web counter
LEXO PA REKLAMA!

SHKARKO APP

App Store
Google Play

Peleshi, i prerë me muxhahedinët/ “Nuk lejojmë të shkelet ligji i shtetit shqiptar”

23 Qershor 2023, 17:01, Politikë CNA
Peleshi, i prerë me muxhahedinët/ “Nuk lejojmë të
Ministri i Mbrojtjes, Niko Peleshi

Ministri i Mbrojtjes, Niko Peleshi, ka folur sërish në lidhje me operacionin e policisë dhe tensionet në kampin e muxhahedinëve në Manëz të Durrësit.

Peleshi u shpreh se ndërhyrja e policisë në kampin e muxhahedinëve ka qenë në respektim të plotë të ligjeve të shtetit shqiptar.

Ai deklaroi se qeveria është e vendosur që të mos lejojë “të krijohen ishuj ku të tejkalohen ligjet”.

“Normalisht që në këtë komunitet do të vijojmë të jeni vend pritës dhe do të plotësojmë gjithë angazhimet humanitare që kemi ndërmarrë, por pa shkelur asnjë ligj të shtetit shqiptar”, u shpreh ministri.

Sa i takon sulmeve kibernetike nga Irani ndaj shtetit shqiptar, Peleshi tha se asgjë nuk mund ta justifikojë një veprim të tillë

“Ne do të reagojmë në çdo moment që cenohet siguria kombëtare. Pas atij sulmi jo të suksesshëm nga ana e Iranit shteti shqiptar ka ndërmarrë disa masa në sigurinë kibernetike për të mbrojtur të dhënat tona dixhitale. Dekurajojmë çdo forcë desktruktive që ti afrohet Shqipërisë, pasi Shqipëria është vend i NATO, ne reagojmë me trimëri dhe forcë kur cenohet siguria kombëtare”, theksoi Peleshi./ CNA.al





Lajmet e fundit nga