web counter
LEXO PA REKLAMA!

SHKARKO APP

App Store
Google Play

Kalendari Digjital Turistik/ Rama dhe Kumbaro, thirrje operatorëve të telefonisë mobile

23 Qershor 2023, 20:35, Politikë CNA

Kalendari Digjital Turistik/ Rama dhe Kumbaro, thirrje operatorëve

Ministria e Turizmit dhe Mjedisit, përmes Agjencisë Kombëtare të Turizmit ka prezantuar këtë të premte TEA (Tourism Events of Albania), kalendarin digjital të turizmit, një platformë e mirëorganizuar e programeve turistike, kulturore, dhe artistike që u shërben turistëve të zgjedhin të vizitojnë Shqipërinë.

Me pjesëmarrjen e kryeministrit Edi Rama, ky eventi prezantues u mbajt në mjediset e Piramidës së Tiranës, qendra e re e Inovacionit dhe Teknologjisë.

Në fjalën e saj, ministrja e Turizmit dhe Mjedisit, Mirela Kumbaro u shpreh se tashmë Shqipëria ka një menu të plotë turistike që përveç bukurive të natyrës e mikpritjes, ofron edhe ngjarje kulturore që nuk duhen humbur.

“Na ka munguar një menu e plotë e Shqipërisë turistike që përveç diellit të plotë, detit mesdhetar, ushqimit të jashtëzakonshëm, hireve të trashëgimise kulturore, bukurive natyrore, njerëzve më të dashur të rruzullit, ofron dhe shumë zbavitje, kënaqësi estetike, talente artistike, festa e ngjarje të verteta kulturore, që nuk duhen humbur”, u shpreh ministrja Kumbaro.

Kryeministri Edi Rama dhe ministrja e Turizmit dhe Mjedisit Mirela Kumbaro u kërkuan edhe operatorëve të telefonisë mobile që ta përfshijnë si njoftim në mesazhin SMS që u dërgohet vizitorëve të huaj të cilët hyjnë në territorin e Shqipërisë.

Ky kalendar turistik digjital është realizuar nga Ministria e Turizmit dhe Mjedsit përmes Agjencisë Kombëtare të Turizmit në koordinim me institucione te tjera si Ministria e Kulturës, dhe të gjitha bashkitë e vendit./ CNA.al





Lajmet e fundit nga