web counter
LEXO PA REKLAMA!

SHKARKO APP

App Store
Google Play

E fundit!

x

Miliarderi i PL-së “qahet” për çmimet/ “Një litër qumësht, më shtrenjtë se në Gjermani”

24 Qershor 2023, 14:15, Politikë CNA

Miliarderi i PL-së “qahet” për çmimet/

Kreu i PL-së, Ilir Meta, i cili njihet ndryshe si miliarderi i politikës shqiptare, pasi ka një pasuri prej 4 miliardë lekësh të deklaruar, është parë herë pas here të ankohet për çmimet.

Edhe ditën e sotme, Meta ka dalë i shqetësuar për çmimin e qumështit.

Me anë të një postimi në rrjetet sociale, ai shprehet se një litër qumësht në Shqipëri shitet më shtrenjtë se në Gjermani, Francë dhe Itali.

Sipas tij, rritja e qumështit ka ardhur si rezultat i shfarosjes së blegtorisë dhe mbylljes së fermave, stallave, staneve e baxhove.

“Shfarosja e blegtorisë në 4 vitet e fundit është një rekord i pashembullt në rajon dhe Europë dhe pasqyrë e saj është braktisja e fshatit dhe shpopullimi i tij.

Kjo është pasojë e mbylljes së fermave, stallave, staneve, baxhove, mosmbështetjes së fermerëve dhe "shtrydhjes" së prodhimit vendas me zgjedhën tatimore më mizore në kontinent, që po i shkaktohet një vendi dhe një populli tradicionalisht dhe historikisht të lidhur me blegtorinë.

Nga rreth gjysëm milion krerë lopë para katër vitesh sot kanë mbetur më pak se gjysma, që sipas INSTAT po firon dhe kjo çdo vit me rreth 10%.

Një litër qumësht në Shqipëri, vendin më të varfër të Europës, shitet më shtrenjtë se në Gjermani, Francë dhe Itali, dhe 12% më shtrenjtë se mesatarja europiane.

Ndërkohë që 18% e buxhetit të BE shkon vetëm për blegtorinë, as 1% e buxhetit tonë nuk shkon për bagëtitë dhe prodhimin e tyre.

Prandaj qumështi te ne rrjedh vetëm në një drejtim nga jashtë brenda. Me çmime të fryra përtej çdo logjike financiare dhe ekonomike për të pasuruar korporatat dhe kompanitë importuese dhe varfëruar prodhuesin vendas dhe qytetarin konsumator.

Është e shkaktuar dhe e provokuar!

Vetëm një qeverisje patriote dhe e përkushtuar e ndal këtë rrënim!”, shkruan Meta./ CNA.al

Miliarderi i PL-së “qahet” për çmimet/





Lajmet e fundit nga