web counter
LEXO PA REKLAMA!

SHKARKO APP

App Store
Google Play

PD, akuza GJKKO-së/ “Po e mban Belerin në arrest si të burgosur politik”

26 Qershor 2023, 19:03, Politikë CNA

PD, akuza GJKKO-së/ “Po e mban Belerin në arrest si të

GJKKO rrëzoi sot kërkesën për të lejuar Fredi Belerin që të dalë nga qelia për tu betuar si kryetar i Bashkisë së Himarës.

Një reagim për këtë vendim ka ardhur pak minuta më parë nga Partia Demokratike, e cila pretendon se GJKKO ka vepruar me urdhër politik.

Për Partinë Demokratike, Fredi Beleri mbahet në arrest si i burgosur politik, si kandidat i opozitës dhe si kryetar i zgjedhur i qytetarëve të Himarës, dhe jo si abuzues votash.

Deklarata e plotë:

Kryetarit të zgjedhur të Bashkisë së Himarës Fredi Belerit, i është refuzuar kërkesa për leje të posaçme për të marrë pjesë në konstituimin e këshillit bashkiak të Himarës dhe betimit si kryebashkiak.

GjKKO ka zbatuar kështu urdhrin partiak, dhe jo normat e shtetit të së drejtës, duke ia mohuar kandidatit fitues të bëjë betimin dhe qyetarëve të Himarës frutin e votës së lirë dhe përfaqësimit.

Partia Demokratike e konsideron vendimin si politik dhe dënon me forcë çdo hap që i bën gjykatat e vendit shkelëse të parimit të ndarjes së pushteteve.

Për Partinë Demokratike, Fredi Beleri mbahet në arrest si i burgosur politik, si kandidat i opozitës dhe si kryetar i zgjedhur i qytetarëve të Himarës, dhe jo si abuzues votash. Po të ishte për manipulime, vjedhje dhe abuzime në qelitë e paraburgimit, do të ishin 53 kandidatët e PS me në krye Edi Ramën.

Fredi Beleri nuk i prishi Edi Ramës ëndrrën totalitare të hartës politike rozë, por i zuri rrugën e planeve të tij për investime strategjike me ministrat e famijes dhe familjarët e ministrave në bregdetin e Bashkisë së Himarës.

Për këtë, ai e shënjestroi që nga fillimi dhe urdhëroi arrestimin e tij.

Për këtë, atij i refuzohet lirimi me kusht, ndërsa ish-ministrave të tij u lejohet.

Për këtë, Edi Rama luan nacionalistin në Himarë dhe internacionalistin në Beograd e Prishtinë.

Nuk është punë kombesh, sepse kur ka interes, Edi Rama bëhet tregtar flamujsh.

Shihni si po shet interesat Kosovës, duke punuar çdo ditë për ndarjen e saj me padronin e vet, Vuçiç./ CNA.al





Lajmet e fundit nga