web counter
LEXO PA REKLAMA!

SHKARKO APP

App Store
Google Play

E fundit!

x

Humbja në zgjedhje/Meta vijon justifikimet

13 Qershor 2023, 15:12, Politikë CNA
Humbja në zgjedhje/Meta vijon justifikimet
Kreu i PL-së, Ilir Meta

Kreut të PL-së, Ilir Meta, duket se i ka mbetur ora në të shkuarën.

Në vazhdën e justifikimeve, duke tentuar të shpërfillë arsyet e vërteta të humbjes së opozitës në zgjedhjet e 14 majit, Meta ka vijuar të quajë rritjen e pagave të zyrtarëve të lartë dhe administratës publike, thellim të pabarazisë.

Përmes një postimi në rrjetin social “Facebook”, Meta ka bërë krahasime të pagës së kryeminstrit me pagën minimale, pensionet dhe ndihmën ekonomike.

“'Rritja e pagave, sjell thellim të pabarazisë'

Kjo rritje e pagave që u trumbetua nga mazhoranca për të përmirësuar mirëqenien e administratës publike, rezulton të sjellë thellimin e një pabarazie të tejskajshme.

Në qoftëse paga e Kryeministrit ishte 7 herë më e lartë se paga minimale, me këto ndryshime, ajo ka shkuar 10 herë më e lartë se paga minimale.

Në qoftë se paga e Kryeministrit ishte 13 herë më e lartë se pensioni në qytet, sot me këto ndryshime, Kryeministri merr 23 herë më shumë se pensioni mesatar në qytet.

Në qoftë se paga e Kryeministrit ishte 22 herë më e lartë se pensioni mesatar në fshat, sot ajo ka shkuar, 38 herë më e lartë në fshat.

Në qoftë se paga e Kryeministrit ishte përpara 32 herë më e lartë se ndihma ekonomike mujore për një familje me 4 anëtarë, sot kjo diferencë thuajse është dyfishuar në krahasim me më parë”, shkruan ai./ CNA.al





Lajmet e fundit nga