web counter
LEXO PA REKLAMA!

SHKARKO APP

App Store
Google Play

Këlliçi "ngushëllon" Korreshin: O Saimir mua më vodhën zyrën dhe më kërkonin llogari

13 Qershor 2023, 08:40, Politikë CNA
Këlliçi "ngushëllon" Korreshin: O Saimir mua më
Belind Këlliçi

Deputeti Saimir Korreshi ka zbuluar se kërkojnë që t’i marrin vulën dhe në vend të tij të emërojnë dikë tjetër, gjë që e ka zhgënjyer.

Ai u shpreh se nuk ka më keq se të persekutuarit të kthehen në persekutorë dhe tashmë në PD-në e vulës pengohet fjala e lirë.

Në një emision, Belind Këlliçi "ngushëllon" deputetin duke i treguar se ai e ka pësuar më keq se Korreshi nga Basha, pasi në kohën kur ishte kryetar i FRPD-së dhe deputet i vodhën zyrën dhe i kërkonin llogari.

Pjesë nga biseda në emision:

Belind Këlliçi: O Saimir, a mund të të bëj vetëm një pyetje dhe më thuaj nëse e kam gabim?! Të ka përjashtuar njeri ty nga procesi? Siç ke kërkuar ti proces gjithëpërfshirës, ti bie dakord që edhe unë kam qenë gjithmonë dakord për këtë qasje, që të kemi një proces të përbashkët.

U krijua artificë e tillë që në njëfarë mënyre Basha i detyroi, i polarizoi situatat, e karikoi një pjesë të të tijve që nuk iu duan pala tjetër, ndërkohë që ti sa herë jemi ulur bashkë dhe më tjerë kemi thënë “ore, duhet të jemi të gjithë bashkë, hajde jemi këtu”...

Saimir Korreshi: Po, absolutisht!

Belind Këlliçi: Askush nuk i ka penguar dhe realisht nuk është se të ka penguar njeri Saimir, por ka qenë situata artificiale e tillë për të krijuar një grup mbështetësish që e nxorën kokën sot. Ju keni vuajtur vetë sot në kurriz atë që vuajtëm ne pak më përpara.

Mos harro vetëm një gjë Saimir, se nuk më del inati për një gjë të vetme, nga të gjitha gjërat që kanë ndodhur: unë kam qenë kryetar i Forumit, deputet e më kanë vjedhur zyrën brenda në PD, Saimir dhe më kërkonin llogari!!! O Saimir, është e paimagjinueshme ajo që më kanë bërë mua dhe më kërkonin llogari!!!

Saimir Korreshi: Belind, unë të dija që ti ishe komunist, nuk kisha ardhur në Tiranë, me thënë të drejtën! Kjo ishte për batutë, megjithatë mënyra se si u bë procesi në bazë nuk më pëlqeu dhe nuk isha dakord, që të jem i sinqertë....

Belind Këlliçi: Të drejtë ke, po sepse......





Lajmet e fundit nga