web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PD-së, i zhgënjyer/ “Duan të më marrin vulën, të persekutuarit janë kthyer në persekutorë”

13 Qershor 2023, 08:27, Politikë CNA
Deputeti i PD-së, i zhgënjyer/ “Duan të më marrin
Foto ilustruese

Deputeti i PD-së në Lushnjë, Saimir Korreshi, është zhgënjyer pasi kërkojnë t’i marrin vulën dhe në vend të tij të emërojnë dikë tjetër.

Këtë Korreshi e ka shprehur në një dalje televizive duke thënë se nuk ka gjë më të keqe se kur të persekutuarit kthehen në persekutorë.

Deputeti ka deklaruar se PD-ja e vulës është kthyer në një parti që ka humbur standardin më minimal të demokracisë dhe fjala e lirë sot po pengohet nga njerëz që kanë qenë të persekutuar.

“Kanë bërë një propozim për të komanduar dikë tjetër në vendin tim në krye të partisë demokratike dega Lushnjë, por çështja është se mua më ka mbetur akoma vula. Në qoftë se e miratojnë në kryesi të vijnë të marrin vulën dhe t'ia jap, kjo që po ndodh është qesharake, sot kisha një lidhje telefonike me dikë dhe më tha se e kanë lajmëruar se Saimiri nuk është më.

Nuk paska gjë më të keqe që të persekutuarit kthehen në përsekutorë, këtu është bërë si partia e punës dhe ka qenë gjithë jetën në vështirësi se nuk lejohej fjala e lirë dhe sot pengon mendimin ndryshe. Këto janë problematika shumë të mëdha dhe jam ndier shumë keq pasi edhe familjarët më janë shprehur se përse e kemi bërë gjithë këtë betejë deri tani.

Unë jam për një PD të madhe fituese dhe gjithëpërfshirëse, kjo që po bëjnë ata nuk hyn në asnjë kategori, në qoftë se jeni që ti gjeni kryetar PD-së me dy-tre veta pas, unë nuk jam me ju. Kjo është e gjitha që unë kam kërkuar që nga fillimi deri më sot, mendoj dhe gjykoj që Basha, Alibeaj dhe Berisha duhet ta rimendojnë pozicionin e rikandidimit", ka thënë Korreshi./ CNA





Lajmet e fundit nga