web counter
LEXO PA REKLAMA!

SHKARKO APP

App Store
Google Play

“Besniku” i Bashës pranon braktisjen/ "Nuk mbledhim dot Këshillin Kombëtar se nuk na vijnë anëtarët"

13 Qershor 2023, 08:12, Politikë CNA

“Besniku” i Bashës pranon braktisjen/ "Nuk mbledhim dot

Një nga njerëzit besnik të Lulzim Bashës e ka pranuar braktijsen masive që i është bërë PD-së së vulës. Pas mbledhjes së Kryesisë ka pohuar se, Këshillin Kombëtar nuk e mbledhin dot sepse nuk vijnë më anëtarët.

Çollaku është shprehur se duhet t’i jepet prioritet zgjedhjes së kryetarit të ri të PD-së së vulës, por ka një vakancë në Këshillin Kombëtar pasi nuk i vijnë anëtarët.

“Dy janë vakancat emergjente, nuk ka një kryetar dhe ka një vakancë në Këshill, kështu që nuk ka çfarë të mblidhet. Prioritet është të hapet procesi i zgjedhjes së kryetarit dhe plotësimi i Këshillit Kombëtar”, ka thënë ai.

Kujtojmë se kryetari i komanduar i PD-së së vulës, Enkelejd Alibeaj, vijoi misionin përçarës të Lulzim Bashës duke thelluar edhe më tej përçarjet brenda PD-së.

Në zgjedhjet e 14 majit nuk pati një bashkim të PD-së, çka rezultoi një humbje drastike në zgjedhje të kësaj partie duke u renditur në shumë bashki forcë e katërt apo e pestë.

Pas dështimit të radhës dhe realizimit të misionit, Alibeaj dha dorëheqjen dhe në skenë u shfaq sërish Lulzim Basha.

Kujtojmë se pak ditë më parë militantët e tij tentuan të dhunojnë fizikisht gazetarët dhe deputetët.

Në reagimet e tij, dhunën e quajti një mendim ndryshe dhe demokratik./ CNA

 





Lajmet e fundit nga