web counter
LEXO PA REKLAMA!

SHKARKO APP

App Store
Google Play

Rama, ashpërson tonet me Kosovën/ Rajoni është dhe i yni, mos luani luftash

12 Qershor 2023, 20:24, Politikë CNA

Rama, ashpërson tonet me Kosovën/ Rajoni është dhe i yni,

Gjatë fjalës së tij në 32-vjetorin e Partisë Socialiste, kryeministri komentoi edhe situatën në veri të Kosovës.

Rama tha se Kosova po vetë-izolohet nga ndërkombëtarët, ndërsa mbajti qëndrim të ashpër ndaj saj për kritikat ndaj draftit të propozuar.

Ai theksoi se tensionet midis Kosovës dhe Serbisë nuk do të përshkallëzojnë kurrë në luftë, pasi Amerika dhe NATO nuk do i lejojë.

“Më vjen mirë që përpjekja për të dhënë një kontribut konkret për dialogun është pritur mirë nga aleatët. Ndërsa atyre që e kanë kundërshtuar, pa e ditur përmbajtjen si në Prishtinë dhe Beograd duke thënë se nuk duan të dëgjojnë për një propozim nga Shqipëria, u them dy gjëra.

Së pari, ata që flasin kështu jetojnë akoma me komunizmin në kokë kur politika merrej me kush e tha dhe jo me çfarë tha.

E dyta, ky rajon është edhe i yni, edhe i disa të tjerëve. Nëse atyre u vjen më për mbarë të luajnë akoma luftash ndërkohë që as njëra palë dhe as tjetra nuk i hapin dot njëra tjetrës, jo luftë, por asnjë të shtënë që kapërcen kufijtë sepse aty është Amerikë dhe NATO. Aleatëve po u soset durimi. Unë u them se nuk jemi fare të interesuar për lojë luftash por jemi kundër asaj lufte”, deklaroi kreu i qeverisë./ CNA.al





Lajmet e fundit nga