web counter
LEXO PA REKLAMA!

SHKARKO APP

App Store
Google Play

Farsa elektorale/ Berisha fton shqiptarët në mosbindje civile ndaj regjimit

12 Qershor 2023, 12:28, Politikë CNA

Farsa elektorale/ Berisha fton shqiptarët në mosbindje civile ndaj

Ish-kryeministri Sali Berisha ka ftuar shqiptarët që të përballen me regjimin me mosbindje civile, duke denoncuar se nuk i lejon qytetarët të votojnë të lirë, u kontrollon dhe manipulon votën.

Ai ka publikuar fakte që sipas tij vërtetojnë batërdinë elektorale që ka ndodhur në Elbasan.

“Në serinë e farsës elektorale, unë kam sjellë këtu para jush dokumente në video, të cilat faktojnë në mënyrë të pamohueshme batërdinë elektorale që ndodhi në Elbasan, rolin prej kriminelësh elektoralë të hapur të operatorëve socialistë, kontrollin e tyre të plotë mbi votën e qytetarëve, votimin e tyre për qytetarët, format e votimit jashtë të gjitha standardeve ligjore dhe kushtetuese të vendit dhe ndërkombëtare.

Atë çka tregojnë kamerat në Elbasan, ajo është shëmbëlltyra e shëmtuar e këtyre zgjedhjeve.

Unë ftoj shqiptarët të ndjekin këto fakte dhe dokumente të një rëndësie jetike, për të marrë vendimin, ndoshta më të rëndësishëm të jetës së tyre, të përballemi me mosbindje civile me këtë regjim që nuk na lejon të votojmë, që kontrollon votën, manipulon votën tonë dhe është i aftë të shkelë çdo ligj, çdo vendim, në mënyrë që të grabisë mandatet e pamerituara”, tha Berisha. / CNA





Lajmet e fundit nga