web counter
LEXO PA REKLAMA!

SHKARKO APP

App Store
Google Play

E fundit!

x

“Gjah shtrigash”/ Berisha: Çfarë dërgoi në copëtimin e opozitës

10 Qershor 2023, 12:41, Politikë CNA
“Gjah shtrigash”/ Berisha: Çfarë dërgoi në
Kreu i PD-së, Sali Berisha

“Gjah shtrigash”, kështu e ka cilësuar kreu i PD-së, Sali Berisha procesin për shkërmoqjen e opozitës, në bashkëbisedim me qytetarët përmes rrjetit të tij social “Facebook”.

Berisha përmendi një serë faktorësh që kanë ndikuar në dobësimin e opozitës.

Sipas tij,  ky process nisi kur  “ambasadori i vendit më mik dhe më të madh në botë demostronte me megafon para Parlamentit kundër opozitës”.

Ai pretendon se procesi vazhdoi me kontraktimin e ish-zyrtarit të FBI-së, Charles McGonigal, shkeljet në zgjedhjet e 25 prillit, sanksionimin e tij dhe lobimin e ambasadores së SHBA në Tiranë.

“Procesi i shkatërrimit të opozitës nuk ka nisur me shpalljen ‘non-grata’ të Sali Berishës. Ky proces nisi kur ambasadori i vendit më mik, i vendit më të madh në botë demostronte me megafon para Parlamentit kundër opozitës. Ky proces vazhdoi me kontraktimin e McGonigal në një kohë kur ishte në detyrë. Kontraktimin e tij nga Rama për të bërë ‘gjahun e shtrigave’ ndaj opozitës shqiptare. Kjo vazhdoi me shkeljet në zgjedhjet e 25 prillit se duhej që Edi Rama të ishte me çdo kusht në pushtet.

Ky proces vazhdoi me sanksionimin e Berishës pa asnjë fakt provë, a dokument. Lobimi i ambasadores së SHBA në Tiranë në përfaqësitë diplomatike, deklaratat e saj kundër lëvizjes për shpëtimin e opozitës shqiptare, ndërhyrjet brutale në proceset gjyqësore për emrin e logon e partisë. Të gjitha këto nuk ishin motive që unë mund të dorëzohesha, përkundrazi ishin motive që unë duhet të qëndroja në emër të opozitarizmit shqiptar”, theksoi Berisha./ CNA.al





Lajmet e fundit nga