web counter
LEXO PA REKLAMA!

SHKARKO APP

App Store
Google Play

E fundit!

x

Propozimet për ambasadorët e rinj/ Deputeti i PD-së kundërshton listën

9 Qershor 2023, 10:37, Politikë CNA

Propozimet për ambasadorët e rinj/ Deputeti i PD-së

Deputeti Tritan Shehu, në Komisionin për Politikën e Jashtme, ku po zhvillohet seanca dëgjimore me kandidatët e rinj për ambasadorë, ka kundërshtuar listën me emrat e propozuar për ambasadorë nga qeveria.

Sipas tij emrat në këtë listë nuk vijnë nga trupi diplomatik, pasi sipas ligjit një person që kandidon për trupin diplomatik të ketë më shumë se 10 vite eksperiencë në fushën e marrëdhënieve ndërkombëtare.

"Është mirë që më në fund pas heshtjes së gjatë ministria ka filluar të zgjohet dhe ka sjellë listë të re me emrat e ambasadorëve. Ajo që ndodh me trupin diplomatik shqiptar është skandal.

Ju keni sjellë një numër kandidatësh për ambasadorë dhe janë shumë të tjerë që janë në gjendje kënete që nuk i sjellin asgjë trupit tonë diplomatik.

Nuk i di arsyet e kësaj. Mund të jenë klientelizmat, mund të jenë lidhje të tjera të parregullta që mund të përdorin ambasadorët.

Vërtetë keni rrëzuar ligjin dhe keni hequr sanksionin sa duhet të ishin ambasadorët diplomatikë, por në ndryshim thuhet se duhet të kenë 10 vite eksperiencë në fushën e marrëdhënieve ekonomike ndërkombëtare.

Keni sjellë një listë që unë nuk shoh që vijnë nga trupi diplomatik", ka thënë Shehu./ CNA.al





Lajmet e fundit nga