web counter
LEXO PA REKLAMA!

SHKARKO APP

App Store
Google Play

Gazment Bardhi: Mbledhja e Kryesisë për zgjedhjet e kreut të ri qe fasadë

8 Qershor 2023, 16:44, Politikë CNA
Gazment Bardhi: Mbledhja e Kryesisë për zgjedhjet e kreut të ri
Kreu i grupit të vulës, Gazment Bardhi

Kreu i grupit të vulës, Gazment Bardhi, ka folur sërish për mbledhjen e Kryesisë, ku u caktua data e mbajtjes së zgjedhjeve për kreun e ri të PD-së, në të cilën pati përplasje dhe ofendime.

Bardhi tha se nga mbledhja u largua në formë revolte, ndërsa e cilësoi atë si një fasadë.

Ai deklaroi në një lidhje me Juli Xhokaxhin se e gjithë situata qe një fasadë për një vendim që është marrë jashtë asaj salle.

“Në fakt, largimi im nga mbledhja ishte shenjë e revoltës në pamundësi për të diskutuar.

Ne kishim shkuar për të diskutuar, nuk e kishim marrë vendimin para se të shkonim në mbledhje. Një parti serioze duhet të japë kohën për të marrë vendimin. Nëse mbledhja zgjat deri në orët e vona duhet të ndërpritet. Të nesërmen mbahet sërish dhe merret një vendim.

Qe një fasadë për një vendim që është marrë jashtë asaj salle”, deklaroi ai.

I pyetur nëse do ta firmosë vendimin për mbajtjen e zgjedhjeve më 29 korrik, ai deklaroi se do të zbatojë statutin.

“Unë po pres zbardhjen e vendimit dhe sjelljen e vendimit për firmën dhe ju garantoj se do zbatoj statutin e PD-së. Nuk paragjykoj, do të thotë do zbatoj statutin e PD-së”, theksoi Bardhi./ CNA.al





Lajmet e fundit nga