web counter
LEXO PA REKLAMA!

SHKARKO APP

App Store
Google Play

E fundit!

x

"Nuk po i hedhim në rrugë profesorët"/ Kushi përplaset me Zhupën në Kuvend

8 Qershor 2023, 12:47, Politikë CNA

"Nuk po i hedhim në rrugë profesorët"/ Kushi

Shkrirja e Akademisë së Studimeve Albanologjike ka qenë një nga debatet më të nxehta në seancën e sotme të Kuvendit. Deputetët e opozitës thirrën një interpelancë me Ministren e Arsimit, Evis Kushi, e cila shpjegoi shkrirjen e ASA-s mes replikash me deputeten Ina Zhupa.

Ministrja e Arsimit, Evis Kushi, hodhi poshtë pretendimin e deputetes Zhupa se shkrirja e Studimeve Albanologjike është bërë për t’i plotësuar dëshirat politike Skënder Gjinushit.

Kushi tha se asnjë nga akademikët nuk është hedhur në rrugë.

"Kryetari i Akademisë së Shkencave është plotësisht legjitim. Akademia e Shkencave është institucioni që na bën krenar. Nuk flitet për shkrirje, por bashkim. Si me një të rënë të lapsit e mbyllni? Ja ku ka shkresat. Unë personalisht në qershor 2021 i jam drejtuar akademisë së studimeve të riorganizohet në përputhje me ligjin, por asnjëherë nuk kanë pranuar të riorganizohen sipas ligjit. Të justifikojmë shkeljen e ligjit? Nuk ka student. Nuk është regjistruar asnjë student për 8 vite. Zero.

Nuk po i hedhim në rrugë, por po garantojmë transferimin në institucione të larta që kanë programe të ngjashme. Gjithçka transferohet, asgjë nuk hidhet në erë. Këta 100 studiues do të ngrihen në nivel të ri. E thoni vazhdimisht i keni bërë nder Gjinushit, sikur Gjinushi do ta marrë në shtëpi Akademinë", tha Kushi.

 

 





Lajmet e fundit nga