E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

“Një asgjë e një askund”/ Manjani: Berisha dhe themeluesit e PD-së të marrin përgjegjësinë

7 Qershor 2023, 20:15, Politikë CNA

“Një asgjë e një askund”/ Manjani: Berisha dhe

Pas disa orësh përplasje dhe debate, në orët e para të mëngjesit të sotëm, Kryesia e PD-së së vulës doli me vendimin që të mbajë zgjedhje për kreun e ri më 29 korrik të këtij viti.

Për këtë mbledhje dhe situatën e të djathtës ka reaguar ish-ministri i Drejtësisë, Ylli Manjani.

Me anë të një statusi në rrjetet sociale, Manjani deklaron se PD po largohet gjithnjë e më shumë nga Shqipëria e shqiptarët.

Ai shprehet se në njërën anë qëndron partia e asgjësë me vulë, ndërsa në anën tjetër qëndrojnë demokratët pa vulë të askundit.

Ish-ministri thekson se nëse janë të përfshirë emocionalisht në çështjen e vulës, ish-kryeministri Sali Berisha dhe themeluesit e Partisë Demokratike duhet të marrin përgjegjësinë përse ja lanë në dorë të djathtën Lulzim Bashës.

Statusi i plotë:

Ja pra se si PD largohet gjithnjë e më shumë nga Shqipëria e shqiptarët.

Në njërën anë partia e asgjësë me vulë, mblidhet për asgjënë, zihen për asgjënë, dorëhiqen nga asgjëja e kthehen prap tek asgjëja. Njëri më asgjë se tjetri, i tregojnë njëri-tjetrit se sa asgjë janë. Një asgjë që i dhunon edhe asgjë-Basha.(kur bën dhe Bashë asgjëja si i fortë, hapu dhé)

Fantazma komplet. Krejt pa lidhje me realitetin.

Në anën tjetër demokratët pa vulë të askundit, vijojnë të ecin në askund, të vetëdijshëm që po shkojnë askund, duke sharë e përqeshur asgjënë dhe, duke u ankuar për pushtetin.

Një asgjë e një askund që merren me njëri-tjetrin dhe kaq. Po kur thonë "të bëhen bashkë"?! Hahahahahha.

Bashkim i asgjësë me askundin.

Le pastaj kur media raporton me pathos lajme për asgjënë dhe për askundin si zhvillime në PD. Njerëzit thjesht nuk dëgjojnë më për PD, sepse sa ta gjejnë se për cilën PD është fjala ka dalë lajmi tjetër...

Fiks këtë gjë kërkon pushteti absolut!

Kjo është ekzakt arsyeja që sugjerojmë krijimin e një partie të re dhe kyçjen e PD historike në muze dhe, lënien e vulës në tregun e zi politik se nuk i duhet më as dreqit.

Edhe një gjë të fundit, nëse Berisha dhe themeluesit e asaj partie janë emocionalisht të përfshirë me atë logo e vulë, është koha të marrin përgjegjësinë përse ja lanë në dorë një matrapazi si Lul Basha, që lun në treg të zi./ CNA.al