web counter
LEXO PA REKLAMA!

SHKARKO APP

App Store
Google Play

E fundit!

x

PD propozon mimumin jetik 200 euro/ Vokshi: Qeveria ka fonde

7 Qershor 2023, 17:46, Politikë CNA
PD propozon mimumin jetik 200 euro/ Vokshi: Qeveria ka fonde
Deputetja e PD-së, Albana Vokshi

Partia Demokratike ka propozuar që të caktohet një minimum jetik prej 200 eurosh për çdo qytetar.

Projektligjin e dorëzoi në Kryesinë e Kuvendit deputetja e PD-së, Albana Vokshi.

Në një prononcim për mediat, Vokshi u shpreh se qeveria duhet të pranojë këtë propozim të opozitës, pasi sipas saj, buxheti i shtetit e përballon këtë nismë sepse ka para të mjaftueshme për t’i siguruar qytetarëve një jetesë normale.

“Kemi depozituar, dhe është ngritur një grup pune pranë PD dhe sot vijmë me një propozim që i kërkon parlamentit që ta miratojë, brenda një afati 3 mujor të bëjë përcaktimin të minimumit jetik. Shqipëria, si i vetmi vend pa minimumin jetik, do e këtë të përcaktuar lidhur me të ardhurat që i sigurojnë çdo qytetari blerjen e ushqimeve minimal dhe sigurimin e disa shërbimeve social-kulturore. Të gjithë e mbajmë mend që Rama në opozitë bërtiste atëherë për minimumin jetik, por tani refuzon amendamentet e opozitës.

Sigurisht që kjo kërkon fonde dhe para, por qeveria ka. Pse duhet që Rama të rrisë pagat për qeveritarët, dhe jo për qytetarët pasi i çon paratë e buxhetit të inceneratorët dhe i përdor për blerjen e votës. Çdo pagesë që deri më sot ka qenë nën dysheme, do të jetë 200 euro. Ky do të jetë minimum që do marrin dhe do t’i sigurohet një jetë dinjetoze për t’i siguruar një jetesë normale”, tha Vokshi./ CNA.al





Lajmet e fundit nga