E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

PD denoncon “hilet” e qeverisë/ Metodat që përdori për të minimizuar votën e opozitës

7 Qershor 2023, 17:15, Politikë CNA

PD denoncon “hilet” e qeverisë/ Metodat që përdori

Selia e PD-së

Anëtarja e Këshillit Kombëtar, Silvi Bardhi, në një deklaratë për mediat ka denoncuar “hilet” e bëra nga qeveria në zgjedhjet e 14 Majit.

Bardhi foli konkretisht për njësinë 11 në Tiranë, ku sipas saj qeveria ka përdorur metoda të ndryshme për të minimizuar votën e opozitës.

Sipas saj, mënyrat kanë qenë të ndryshme, si zhvendosjen e qendrës së votimit për shumë votues dhe mosnjoftimi i tyre për këtë ndryshim, ose zhvendosja e pashaportizimit të tyre në bashki të tjera.

Deklarata e plotë:

Farsa elektorale, mundësuar nga makineria e rëndë e patronazhimit, kërcënimit, përdorimit të administratës dhe shitblerjes së votës, nxori në pah atë që ne kemi denoncuar kohë përpara zgjedhjeve të 14 majit.

Një strategji malinje u ndoq, kundër të drejtës së zgjedhjes për mijëra qytetarë, duke iu ndryshuar qendrat e votimit pa asnjë lajmërim, me të vetmin qëllim, që votuesit e opozitës të frustroheshin dhe t’u pamundësohej e drejta e votës.

Një prej rasteve, ndër të shumtët, ka të bëjë me Njësinë 11 në Tiranë.

Në këtë njësi, lista e votuesve, në janar 2023, ishte 51 mijë e 619 votues.

Lista finale e votuesve më 14 prill 2023 për njësinë 11 në Tiranë, rezultoi të ishte me 51 mijë e 352 votues.

Pra në 3 muaj, 267 votues më pak.

Por nuk është këtu shkelja. Nga këta votues, 15 mijë e 654 janë zhvendosur në qendra votimi të tjera brenda njësisë administrative nr. 11.

694 votues rezultojnë të jenë zhvendosur në Bashki të tjera si Tropojë, Kukës, Kamëz, Berat, Has, Krujë, Peqin, Shkodër, Korçë etj.

Në informacionin e marrë nga stukturat e PD Dega 11, rezulton që asnjë mbështetës i PD nuk është njoftuar, marrë miratim apo informuar për zhvendosjen dhe qendrën e re ku do të votonte.

Kjo ka sjellë që një numër i konsiderueshëm i votuesve tanë të mos ushtrojnë dot të drejtën kushtetuese të votës.

Partia Demokratike e ka denoncuar disa herë nga kjo foltore këtë skemë të mirëfilltë kundër të drejtave të njeriut, por edhe e ka paditur në SPAK ndërrimin e qendrave të votimit të 1.3 milion zgjedhësve.

Para këtij akti-antikushtetues SPAK nuk ka reaguar ende, sepse Prokuroria e Posaçëm nuk i prek zgjedhjet, sepse aty është kutia e Pandorës që po të hapet rrëzon gjithë ngrehinën e pushtetit të Ramës.

Provat që po dalin nga auditimi që Partia Demokratike po u bën zgjedhjeve të 14 majit dëshmojnë atë që kemi përsëritur me forcë para zgjedhjeve.

Edi Rama ka marrë, jo votat e shqiptarëve, por ato që i kanë futur në thes hajdutët e zgjedhjeve, patronazhistë dhe aktivistët me bekimin e tij.

14 maji ishte një farsë.

Pa zgjedhje të lira nuk ka zgjidhje!./ CNA.al