web counter
LEXO PA REKLAMA!

SHKARKO APP

App Store
Google Play

E fundit!

x

Luftë mes “llojit”/ Bejko i “Alibashës” shënjestron Bardhin: Ikja nga mbledhja, thikë pas shpine

7 Qershor 2023, 10:35, Politikë CNA

Luftë mes “llojit”/ Bejko i “Alibashës”

Përçarjet në PD-në e vulës janë thelluar. Tashmë duket se ka nisur lufta brenda "llojit".

Roland Bejko, ish-kandidat i Enkelejd Alibeajt dhe Lulzim Bashës për Tiranën në zgjedhjet e 14 majit ka sulmuar Gazment Bardhin dhe deputetët që janë larguar nga mbledhja e Kryesisë së PD-së së vulës, e cila ka zgjatur deri në orët e para të mëngjesit.

Në deklaratën e tij Bejko e ka cilësuar si thikë pas shpine braktisjen e mbledhjes.

Ai tha se PD-ja ka nevojë për mbështetje dhe jo shkelma.

“Nuk e di si do të vazhdojë më tej. Di të them që për 8 orë u diskutua nga të gjithë anëtarët dhe besojmë se gjithsekush dha versionin e tij për mënyrën se si e ka parë PD-në deri më sot nga një vit që kur është larguar Basha. Unë i përfshiva të dyja propozimet si atë të grupit parlamentar dhe atë të kryesisë, i përputha në një. Nuk u ra dakord për faktin se muaji gusht nuk bëhen dot zgjedhjet në parti.

Kur u kërkua që të bëhej votimi, u largua sekretari i përgjithshëm nuk e mora vesh se si iku, u larguan edhe disa deputetë. Të vish dhe të imponohesh që në rast se propozimi im nuk miratohet unë largohem kjo nuk është mirë për PD.

Veprimi që u bë ishte i tillë, nëse nuk merrem parasysh “çohem dhe iki”. Braktisja e mbledhjeve nga ana e deputetëve dhe ndonjë anëtari tjetër ishte i tillë, që në rast se nuk merret parasysh çfarë ne duam çohemi dhe ikëm. Te pika 5 e propozimit që ka bërë grupi i PD-së thuhej që nëse nuk do ketë një zgjidhje konsensuale ne do ta shikojmë veten jashtë procesit. Edhe ky ishte ultimatum.

Ndërkohë Kolegji dhe grupi i kryetareve janë institucione që rekomandojnë, por nuk vendosin. Vendimin e merr Kryesia. Në demokraci është zgjidhur me votë kur nuk ka konsensus. Por ama të vij unë brenda kryesisë, kam një variant dhe varianti im nuk miratohet dhe të çohem dhe të largohem, kjo nuk është demokratike, kjo është thikë pas shpine për PD-në. Veprimet që i kanë bërë gjithsecili mban përgjegjësi dhe për demokratët sot dhe nesër. Kemi nevojë për mbështetje jo për shkelma”, ka thënë Bejko./ CNA.al

 





Lajmet e fundit nga