Kush i shërbeu Gjiknurit kur PD zgjodhi Kamzën dhe Elbasanin për votim elektronik?

6 Qershor 2023, 17:41, Politikë CNA

Kush i shërbeu Gjiknurit kur PD zgjodhi Kamzën dhe Elbasanin për

Nëse kishte 2 bashki ku PD besohej se futej me avantazh në mbështetjen në elektorat ato ishin 2, Elbasani dhe Kamza.

Elbasani sepse konfliktet mes bandave e kishin lodhur votuesin dhe konflikti periodik në mes të qytetit kishte shtuar pakënaqësitë e elektoratit gri.

Elbasani në të gjitha sondazhet e opozitës kishte shanse të qarta që të fitohej nga koalicioni "Bashkë Fitojmë".

Kamza si bastion i të djathtës kishte rrëshqitur me drejtim administrate lokale majtas, jo për shkak të votës, por për shkak të mungesës së garës. Ndaj edhe Kamza besohej se do kthehej sërish në trendin e vet tradicional.

Por kush propozoi, mbrojti dhe miratoi në PD që Kamza dhe Elbasani të futeshin në votim elektronik?

Përzgjedhja shkonte dukshëm në favor të pushtetit dhe sapo kjo u bë publike u dallua entuziazmi në kampin violë!

Dihet që votimi me elektronik është kompleksues, sidomos për një elektorat të pamësuar dhe mosbesues ndaj elektronikës.

Atje ku PD ishte e sigurt tek fitorja, nuk duhet të perzgjidhte votimin me elektronik.

Ne kushtet kur PS ka pushtetin (edhe lokal), votimi elektronik i kompleksoi votuesit.

Minimumi janë kompleksuar ata që janë të punësuar në zyrat e pushtetit lokal.

Fakti që edhe vetë kandidati i "Bashkë Fitojmë", që në orët e para të votimit shfaqi mosbesimin tek sistemi, e forcon më shumë këtë analizë.

Arsyetimi i kalkuluar mbi fitoren e sigurtë se "dalja e rezultatit për Kamzën dhe Elbasanin menjëherë pas mbylljes së votimit, do shtonjë entuziazmin në pjesën tjetër te Bashkive", nuk llogariti efektin e mosbesimit tek elektronika në procesin e votimit.

Në finale rezultati që doli nga kutitë ekektronike justifikoi entuziazmin në PS. Ai rezultat, pra përzgjedhja e Kamzës dhe Elbasanit për votimin me elektronik i shërbeu Gjiknurit si drejtues i Qarkut të Elbasanit dhe Ramës si Kryeministri që i fitoi bastionet të djathtës.

Gëzimi i kampit në pushtet, si përpara votimit ashtu edhe pas rezultatit në Elbasan dhe Kamëz, dëshmoi se ai që zgjodhi votimin elektronik në Elbasan dhe Kamëz është ose idiot ose ushtar i Gjiknurit.