web counter
LEXO PA REKLAMA!

SHKARKO APP

App Store
Google Play

E fundit!

x

Basha fshehu krimin/ E tregon pas 10 vjetësh

5 Qershor 2023, 19:59, Politikë CNA
Basha fshehu krimin/ E tregon pas 10 vjetësh
Lulzim Basha, kryetari i dorëhequr i PD-së

Lulzim Basha, kryetari i dorëhequr i PD-së, i cili rezulton në detyrë në gjykatë, ka fshehur një krim për 10 vite.

Këtë gjë e ka treguar vetë Basha sot, 10 vite pasi PD është rrëzuar nga pushteti. Në një takim me të rinj, ai tha se gjatë kohës që PD-ja qeveriste vendin, është abuzuan me naftën në zonën e Beratit.

Basha deklaroi se një grusht njerëzish u pasuruan me naftën dhe nuk kanë dalë para drejtësisë. Këtë gjë, Luli u shpreh se nuk e ka denoncuar asnjëherë gjatë kohës që drejtonte PD-në dhe sipas tij, për këtë arsye njerëzit nuk e besonin.

Por me këtë denoncim të bërë sot, Basha harron që për 10 vjet “kafshoi” një krim. Kjo pasi ajo që Luli ka bërë është fshehje e krimit.

“Kur je në një proces reflektimi, njerëzit janë edhe më të sjellshëm, por edhe vetë kupton disa gjëra. Kupton që ndërkohë që ngrinim gishtin dhe denonconim aferat, ata që abuzuan me naftën në zonën e Beratit, nuk kanë dalë para drejtësisë.

Njerëzit nuk më besonin kur unë denoncoja korrupsionin se unë nuk kisha denoncuar korrupsionin e partisë sime, njerëzit që u bënë milionerë me naftën. Pasuruan një grusht njerëzish, drejtësia nuk ka bërë të vetën, por as ne nuk kemi bërë tonën. Dhe këto mu kujtuan sot, kur po vija rrugës për në Berat”, theksoi ai.

Kështu, Basha pranoi se gjatë kohës që drejtonte PD-në fshehu një krim, atë të korrupsionit me naftën./ CNA.al





Lajmet e fundit nga