web counter
LEXO PA REKLAMA!

SHKARKO APP

App Store
Google Play

Lorenc Vangjeli paralajmëron “verë të nxehtë”/ “Priten ndryshime në qeveri”

5 Qershor 2023, 17:16, Politikë CNA

Lorenc Vangjeli paralajmëron “verë të nxehtë”/

Analisti Lorenc Vangjeli paralajmëroi se në Tiranë pritet një “verë e nxehtë” në arenën politike.

Në një dalje televizive, ai tha se mund të ketë ndryshime në qeveri para pushimeve

Sipas analistit, kryeministri Edi Rama ecën me parimin që mos të ketë ministra me më shumë se 6 vite në detyrë.

“Para se të qetësohet deti mund të ketë dallgë, para pushimeve. Besoj se është e nevojshme një gjë e tillë. Nëse gjithkush do të jepte një te drejtë se kjo është një drejtë ekskluzive, kam përshtypjen se këshilla më e mirë ka të bëjë me rishpikjen e tij në raport me qeverisjen. Kriteri i Ramës është që mos të lërë ministra më shumë se 6 vite. Informacionet e kryeministrit mund të jenë të tilla që mund të veprojë para se drejtësia të veprojë. Mund të ketë ministra, është një akt distancimi politik.

Nëse Rama e bën një gjë të tillë do të ishte i mirëpritur në këtë detyrë. Këtë javë kanë ndodhur dy momente. Lirimi  ish-ministrit të Brendshëm, lirim që bëri bujë për disa arsye. Te Tahiri ka pasur një çështje që u hetua e gjykua keq. Historia e arrestit të sekretares së Përgjithshme përveç diellit të nxehtë të verës, temperaturat e Tiranës politike do të jenë të larta. Nisur nga informacionet nga volumi i dosjeve që janë duke u përpunuar në mënyrë logjike krijohet ideja se do të ketë një stinë të nxehtë. Shqipëria nuk ka qenë kurrë një shtet i së drejtës. Drejtësia e sotme po lufton edhe me traditën. Ajo çfarë është e dukshme është se në Tiranë ka frikë”, theksoi Vangjeli./ CNA.al





Lajmet e fundit nga