web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron arrestimin e Artan Lames dhe vartësve të tij?

5 Qershor 2023, 18:32, Politikë CNA
Rama paralajmëron arrestimin e Artan Lames dhe vartësve të tij?
Fotomontazh - Artan Lame dhe Edi Rama

Për të disatën herë, kryeministri Edi Rama hodhi një sërë akuzash ndaj Drejtorisë së Kadastrës, si për të paralajmëruar arrestimin e Artan Lames dhe vartësve të tij.

Rama tha nga Fieri se Kadastra është portreti i turpit të qeverisë dhe se nuk ka zgjidhur çështjen e pronave, duke lënë shqiptarët në konflikt.

“Edhe pse në një pjesë të madhe të shërbimeve kemi bërë një revolucion, duke i hequr radhët dhe zyrat, Kadastra është portreti i turpit tonë. Kjo është e vërteta dhe nëse nuk ia themi të tjerëve duket sikur jemi pajtuar me këtë të vërtetë. Por nuk mund të pajtohemi kurrë.

Kush mendon se është kredi me interesa të ulëta bën shumë gabim, është kredi me interesa të larta. Duhet të përmbysim... dhe jemi afër, të përmbysim rendin që mbizotëron në Kadastër. Njësoj siç kemi vepruar me shumë shërbime të tjera, po ashtu duhet të veprojmë. Duhet t’i mbyllim dyert e Kadastrave dhe shumë shpejt do ta bëjmë këtë gjë”, u shpreh kreu i qeverisë.

Kjo në fakt nuk është hera e parë që kryeministri përmend korrupsionin në institucionin e Kadastrës.

Edhe në takimet e tjera të turit falenderues, si në Tiranë, apo në Korçë, Elbasan, Vlorë, Sarandë dhe në Durrës, Rama e ka cilësuar si institucionin që ka lënë në ngërç çështjen e pronave.

“Nuk kemi marrë votën e vlonjatëve për hipotekën e Vlorës.Hipoteka e Vlorës është turpi i PS-së së Vlorës dhe PS së Shqipërisë”, tha kryeministri në Vlorë, ndërsa në Sarandë deklaroi se:

“Problemi më i madh është hipoteka, Kadastra. Që është bërë, pasqyra e turpit të PS-së. Pasqyra e turpit të PS-së. Njerëz që kanë vajtur të punojnë në Kadastër, me emrin socialist dhe e kanë bërë zhele flamurin e PS-së. Kanë nëpërkëmbur kontributin, mbështetjen dhe besimin e mijëra votuesve që votojnë PS-në. Dhe kjo është, e pa drejtë”.

Nga ana tjetër, në Tiranë Rama u shpreh se Hipoteka është trajtuar si një vend ku të fuqishmit punësojnë njerëz.

“Kush ka pasur “2 Lekë pushtet” në parti, e ka parë hipotekën si një zonë trafiku interesash të veta. Këtë të vërtetë është mirë ta themi, të na vijë turp nga kjo gjë. Kush ka dorë në këtë turp, duhet të heqë dorë dhe ajo agjenci duhet të bëhet bankë. Ashtu sikur nuk i shkon në mendje njeriut për të bërë lodra me kurset e këmbimit të Bankës së Shqipërisë, ashtu mos t’i shkojë mendja të merret me tokat e shqiptarëve”, theksoi ai.

Këto deklarata të njëpasnjëshme, që duken si një paralajmërim për një sërë arrestimesh, vijnë kur kanë kaluar 3 muaj nga shkarkimi i Artan Lames si drejtor i Përgjithshëm i Agjencisë së Kadastrës.

Lame u shkarkua më 9 mars të këtij viti, pasi për 10 vite drejtoi ALUIZNI-n dhe më pas Agjencinë Shtetërore të Kadastrës.

Një dosje volumizove për Kadastrën, me denoncime të shumta nga qytetarët mund të sjellë arrestime.

Kadastra është një histori turpi, që drejtohej nga Lame, ndaj të cilit mësohet se në SPAK ka dhjetëra kallëzime dhe mesa duket do jetë “koka” e radhës që do t’i pritet zyrtarëve të lartë që kanë bashkëpunuar me Ramën në pushtet këto 10 vite./ CNA.al





Lajmet e fundit nga