web counter
LEXO PA REKLAMA!

SHKARKO APP

App Store
Google Play

Arrestimi nga SPAK-u i Dakos/ Berisha: E meriton plotësisht se je kriminel elektoral

7 Qershor 2023, 14:22, Politikë CNA

Arrestimi nga SPAK-u i Dakos/ Berisha: E meriton plotësisht se je kriminel

Ish-kryeminstri Sali Berisha në një deklaratë për mediat ka reaguar për arrestimin e Vangjush Dakos.

Berisha shprehet se arrestimi i Dakos është gjëja e duhur pasi, sipas tij, ish-kryebashkiaku është një kriminel elektoral.

Sipas Berishës dalja e Tahirit dhe arrestimi i Dakos është orkestrim i Ramës pasi organet e drejtësisë janë nën kontrollin e qeverisë dhe kryeminstrit Rama.

“Organet e drejtësisë janë në kontroll të plotë të qeverisë. E ka marrë vesh çdo shqiptar se në Shqipëri ka drejtësi me regji dhe regjisori i saj është Edi Rama.

Çdo ditë fakton dështimin e plotë të reformës së Sorosit në Shqipëri.

Lirohet pas kërcënimeve serioze që i bëri Edi Ramës, Saimir Tahiri. Arrestohet njësoj si në romanet e Markezit, Gjush Dako.

Njoftohet arrestimi i tij 4 ditë përpara. E bënë këtë për t’ia dhënë mafies në Dubai, ata e dinë.

Por një mandat që përflitet 4 ditë rresht, dëshmon se çdo gjë ka këtu, por drejtësi nuk ka.

Megjithatë, Gjushit një fjalë do t'i them, shkove si ai në vresht për kokë të Tahirit. E meriton plotësisht se je kriminel elektoral i dosjes 339.

Por nuk është dënuar për këtë ai, as për pallatet që kushtuan dhjetëra jetë njerëzish, u zgjodh me lezet padia për falsifikim dhe shpërdorim detyre.

Megjithatë është se shkove si ai në vresht për kokë të Saimir Tahirit dhe mirë ta bënë.” -tha Berisha./ CNA.al





Lajmet e fundit nga