web counter
LEXO PA REKLAMA!

SHKARKO APP

App Store
Google Play

E fundit!

x

“Basha, problemi i PD-së”/ Sula: Dirigjoi tensionet në mbledhje

7 Qershor 2023, 22:21, Politikë CNA
“Basha, problemi i PD-së”/ Sula: Dirigjoi tensionet në
Deputeti Dashnor Sula

Kryesia e PD-së së vulës mbajti një mbledhje mbrëmjen e djeshme, e cila zgjati deri në orët e para të mëngjesit.

Përpos debateve, mbledhja u shoqërua  me tensione, dhunë verbale, gati deri në përplasje fizike, pasi militantë të Lulzim Bashës kërcënuan dhe tentuan të godasin deputetët.

Për këtë situatë të krijuar foli mbrëmjen e sotme Dashnor Sula. Deputeti tha se kërcënimet që iu bënë deputetëve, ishin nga njerëz të dirigjuar nga kryetari i dorëhequr i PD-së, Lulzim Basha.

“Nuk gjej fjalë ta përshkruaj keqardhjen sepse situata në të cilën ndodhet e shkreta PD nga çmenduria kolektive, dhe faji ka qenë i njërit që dje u bë kryetar më në fund me njerëzit që solli, që s’u bë kurrë nga 2013 deri dje mbrëmë, dhe tjetri që nuk iku kurrë si kryetar. E thashë dhe në mbledhje, nëse do doni që të mbijetoni si persona dhe partinë, mbajeni ta gëzoni, por di se një parti të fton për të fituar, por nuk mund të përfundojë në këtë farë feje”, u shpreh ai.

Sula e cilësoi Bashën si problemin e PD-së, pasi pretendon se ka sjellë frymë dhune.

“Ai njeri (Basha) atë frymë ka sjellë aty. Ndihem keq për Korreshin, Bushatin, Nallbanin dhe Gështenjën, që i kanë ndjekur me makinë për t’i goditur. Mund të përshkallëzohej situata. I kanë ndjekur deri tek bulevardi, duke ushtruar dhunë verbale.

Një njeri i ka dirigjuar, Lulzim Basha! Ai është problemi sot i PD. Basha-Berisha janë problemi, sepse kanë konflikt mes tyre”, theksoi deputeti./ CNA.al





Lajmet e fundit nga