E fundit!

22:07 Kronika

Detaje nga të shtënat me armë në Sarandë/ Dyshohet për atentat

Një ngjarje e rëndë ka ndodhur në Sarandë mbrëmjen e kësaj...

SPAK-u që sulmojnë 99-çat dhe Mero Baze, merr vlerësim maksimal

17 Korrik 2026, 21:34, Aktualitet CNA

Komisioni Evropian ka publikuar Raportin për “Sundimin e Ligjit 2026”, ku vlerëson progresin e Shqipërisë në forcimin e shtetit të së drejtës dhe konsolidimin e reformës në drejtësi, në kuadër të procesit të integrimit evropian.

Sipas raportit, përfundimi i procesit të rivlerësimit kalimtar (vettingut) përbën një hap të rëndësishëm në forcimin e pavarësisë, integritetit dhe llogaridhënies së sistemit gjyqësor.

Raporti evidenton rezultate pozitive edhe në luftën kundër korrupsionit, duke vlerësuar punën e SPAK-ut për ndjekjen penale dhe gjykimin e rasteve të korrupsionit të nivelit të lartë.

Sipas raportit, Struktura e Posaçme Kundër Korrupsionit ka shënuar progres të vazhdueshëm në hetimin e rasteve të korrupsionit të nivelit të lartë.

"Në Shqipëri, Struktura e Posaçme Kundër Korrupsionit (SPAK) ka vazhduar të japë rezultate pozitive në luftën kundër korrupsionit të nivelit të lartë dhe në ndërtimin e një historie të qëndrueshme hetimesh, ndjekjesh penale dhe dënimesh," thuhet në raport.

Raporti i BE-së vlerëson punën e SPAK-ut: Shqipëria përparon në luftën ndaj korrupsionit, media nën presion
17 Korrik, 20:28

Ky raport është një shuplakë për grupin e 99-çave të kryebashkiakut të arrestuar të Tiranës, Erion Veliaj mbi të cilin rëndojnë 13 akuza për 5 vepra të rënda penale dhe Mero Bazen të cilët që prej arrestimit të kryebashkiakut kanë sulmuar drejtësinë me dirigjimet nga qelia e burgut të Durrësit.

Raporti i Komisionit Evropian e tregon qartë vlerësimin maksimal për punën e SPAK dhe për goditjet kundër korrupsionit në nivel të lartë, duke e theksuar dhe njëherë mbështetjen për institucionin e Prokurorisë Speciale.

Sot mediat e paguara nga Veliaj e kanë publikuar këtë raport edhe pse prej kohësh sulmojnë në vazhdimësi SPAK-un. Në shkrimet e tyre evidentojnë vlerësimin që ka dhënë Komisioni Evropian për Strukturën e Posaçme kundër Korrupsionit dhe në rezultatet që ka dhënë SPAK-u në luftën kundër Korrupsionit të nivelit të lartë./ CNA