web counter
LEXO PA REKLAMA!

SHKARKO APP

App Store
Google Play

"I shiti partinë Tom Doshit"/ Skënder Gjinushi u përgjigjet akuzave të Sali Berishës

10 Tetor 2022, 21:32, Aktualitet CNA
"I shiti partinë Tom Doshit"/ Skënder Gjinushi u
Sali Berisha, Skënder Gjinushi

Sot në ditën e 50-vjetorit të Akademisë së Shkencave, pas akuzave të Sali Berishës për mbajtjen e postit të kreut të Akademisë së Shkencave në kundërshtim me Kushtetutën, dhe shitjen e partisë Partisë Social Demokrate, ka reaguar Skënder Gjinushi. 

Përmes një urimi ironik, Gjinushi u shpreh se nuk do të donte që Sali Berisha ta shkatërronte Partinë Demokratike njëlloj si sipas tij ish-kryeministri ka vepruar me Akademinë e Shkencave. 

“Po i bëj një urim, inshalla s’e shkatërron PD-në siç bëri me Akademinë e Shkencave”, u shpreh Gjinushi.

Kujtojmë se pak më herët Berisha lëshoi akuza të rënda ndaj kreut të Akademisë së Shkencave, i cili sipas tij e uzurpoi drejtimin e akademisë duke i shitur partinë Tom Doshit.

“Sot Akademia kremton 50-vjetorin në një regres të madh. Në qoftë se në krye më parë kishte një historian, të nderuar dhe serioz siç ishte Aleks Buda, sot ka një matrapaz, një ish-ministër të diktaturës i cili uzurpoi postin e kryetarit të Akademisë duke i shitur partinë e tij Tom Doshit. Nuk ka histori më të turpshme se kjo. Skënder Gjinushi ish-kryetar i PSD-së ia shiti partinë Edi Ramës për Tom Doshin, në shkëmbim të kryetarit të Akademisë. Histori më të turpshme në historinë e botës akademike nuk mund të ketë se kjo. Ai qëndron në atë post në dhunim flagrant të Kushtetutës së vendit, e cila përcakton se kryetari i Akademisë emërohet nga Presidenti i Republikës”, tha sot Berisha./CNA.al





Lajmet e fundit nga