web counter
LEXO PA REKLAMA!

SHKARKO APP

App Store
Google Play

E fundit!

x

"MEMEX" është kutia e Pandorës/ Karamuço zbulon të pathënat: Po kërcënohen policët

10 Tetor 2022, 20:25, Aktualitet CNA

"MEMEX" është kutia e Pandorës/ Karamuço zbulon

Eksperti i kriminalistikës, Ervin Karamuço ka folur lidhur me të dhënat që publikuan hakerat iranianë javën e shkuar. 

Ai shprehet se policët po kërcënohen, por akoma nuk dihet se për çfarë bëhet fjalë.  

“Tani po kërcënohen efektivët e policisë. Për çfarë bëhet fjalë nuk bëhet e ditur. Ajo që po shikojmë është se këta të dielave nxjerrin një informacion. Nuk ka ndonjë informacion shantazhues, tani vihet re selektimi. Dhe kjo përzgjedhje nuk bëhet dot pa bashkëpunim me një grup shqiptarë se ata nuk i njohin kush janë efektivët e policisë. Këta kanë nxjerrë vetëm një ekstrakt që i konsiderojnë më të rëndësishëm. Është bërë një skeletim në atë sistem. Skedarët nuk janë të policisë, i kanë bërë vetë. Le të presim, por besoj se kanë të dhëna të tjera”, tha ai.

Ndër të tjera, karamuço theksoi se nëse hakerat do të kishin në dorë sistemin "MEMEX", do të ishte diçka e keqe, duke e konsideruar këtë sistem si kuti Pandore. 


“Në momentin që do kemi një dokument të sistemit MEMEX mund të themi që kanë rënë poshtë të gjitha ato mesazhe që kanë qenë për të qetësuar situatën. Kjo do të thotë që ata kanë hyrë shumë thellë. MEMEX mund të na hapi Kutinë e Pandorës, për shumë përplasje, mes bandave, policëve sepse lidhen ngjarjet me njëra-tjetrët. Imagjinoni çfarë ndodh nëse hapet MEMEX”, tha eksperti./CNA.al





Lajmet e fundit nga