web counter
LEXO PA REKLAMA!

SHKARKO APP

App Store
Google Play

Trondit 20-vjeçari/ “Hashashi nuk më jep më kënaqësi, dua të eksperimentoj me drogëra të tjera…”

10 Tetor 2022, 18:50, Aktualitet CNA
Trondit 20-vjeçari/ “Hashashi nuk më jep më
Foto ilustruese

Një rrëfim trënditës i një 20-vjeçari, përdorues dhe shitës i lëndëve narkotike, është transmetuar në media.

I riu ka thënë për emisionin “Vetting” se hashashin e pi me kënaqësi dhe e shet atë vetëm për të përfituar para që të blejë doza për vete.

Ai deklaroi se nuk ka ndërmend të heqë dorë nga përdorimi i lëndëve narkotike. 20-vjeçari theksoi se ka dëshirë të eksperimentojë edhe me drogëra të tjera, por nuk i dalin paratë.

“Më shumë këtë gjë e kam bërë për përfitimet e mija sepse edhe unë përfitoja, pija ndonjë gjë sepse nga ana e lekëve nuk është se ja vlen fare, vetëm më shumë e pija për kënaqësinë time. E kam bërë më shumë për qejf, e nxora teken për ta pirë në darkë, për tu futur në botën time, pasi sot nuk ka punë për të bërë lekë. S’kam punuar asnjëherë në një punë të ligjshme. Për ne nuk ka ligj.

Vetë jam shtyrë të punoj. Nëse do ishte për t’i lënë njërën nga këto të dyja, normale do kisha lënë shitjen. Shitjen më shumë e bëjmë për të nxjerrë teken tonë sepse është bërë vështirë, se nuk kemi lekë për ta blerë vetë. Shitjen do kisha lënë më shumë sesa pijen. S’do e kisha lënë asnjëherë, madje dua të hyj më thellë tek drogërat e tjera, por s’na dalin lekët edhe kemi ngel tek hashashi akoma”, shprehet i riu./ B.A. - CNA.al





Lajmet e fundit nga