web counter
LEXO PA REKLAMA!

SHKARKO APP

App Store
Google Play

Akuzat e forta/ Skënder Gjinushi ia shiti partinë Tom Doshit dhe Edi Ramës

10 Tetor 2022, 13:04, Aktualitet CNA
Akuzat e forta/ Skënder Gjinushi ia shiti partinë Tom Doshit dhe Edi
Skënder Gjinushi, kreu i Akademisë së Shkencave

Sot në 50-vjetorin e themelimit të Akademisë së Shkencave, kreu i PD-së, Sali Berisha, ka bërë deklaratën e fortë, duke thënë nga selia blu se ish-kryetari i Partisë Socialdemokrate, Skënder Gjinushi, ia shiti partinë Edi Ramës për Tom Doshin në shkëmbim të kryetarit të Akademisë.

“Sot Akademia kremton 50-vjetorin me një regres të madh. Nëse më parë kishte në krye një historian të nderuar si Aleks Buda, sot ka një matrapaz, një ish-ministër të diktaturës, që uzurpoi postin e kreut të akademisë duke ia shitur partinë e tij Tom Doshit.

Skënder Gjinushi, ish-kryetar i Partisë Socialdemokrate, ia shiti partinë Edi Ramës për Tom Doshin në shkëmbim të kryetarit të Akademisë. Histori më të turpshme nuk ka në botë.

Ai që mori atë post në dhunim flagrant të Kushtetutës, e cila përcakton se kryetari i Akademisë emërohet nga Presidenti i Republikës. Por për pazarxhinjtë Rama-Gjinushi, Kushtetuta nuk vlen një lek.

Rëndësi ka që të blinte Akademinë me partinë. Nuk ka ditë më të zezë se kjo e sotmja, kur ai institucion feston 50-vjetorin me një qenie të turpshme si kryetarin e saj”, tha Berisha./ CNA.al





Lajmet e fundit nga