web counter
LEXO PA REKLAMA!

SHKARKO APP

App Store
Google Play

E fundit!

x

FMN ngre “alarmin”/ Në 2023 parashikohet ngadalësim i rritjes së ekonomisë

10 Tetor 2022, 10:39, Aktualitet CNA
FMN ngre “alarmin”/ Në 2023 parashikohet ngadalësim i
Yan Sun

Ministrja e Financave dhe Ekonomisë, Delina Ibrahimaj, Guvernatori i BSH, Genti Sejko, dhe përfaqësues të Misionit të FMN-së po zhvillojnë një konferencë, për të bërë me dije situatën ekonomike për 6 muajt e parë të vitit.

Sipas misionit FMN, parashikohet një ngadalësim i ekonomisë në vitin 2023.

“Më lini paraprakisht t’ju shpreh mirënjohjen të gjithëve për bashkëpunimin e afërt dhe bisedat konstruktive gjatë 2 javësh të vizitës sonë në Shqipëri. Sapo kemi mbyllur me leksionet në artikullin 4. Ekonomia shqiptare ka pasur dëme të mëdha që prej periudhës 2020, por i ka kaluar mirë. Rritja do ngadalësojë me 2 për qind nga norma e inflacionit.

Me deficitet dhe borxhin e lartë Shqipëria përballet me rritjen e çmimeve, me çmimet që janë rritur në tregun ndërkombëtar që ka të ngjarë të vazhdojnë si të tilla dhe me një ngadalësim të zhvillimit ekonomik në Europë. Ne rekomandojmë për 2023-shin që të ketë një bilanc primar në 0 dhe të synojë të vazhdojë konsolidimin me një bilanc primar me 1.5% të PBB. Të finalizojë dhe të zbatojë pa vonesë strategjinë afatmesme të të ardhurave.

Mbështesim politikat monetare të BSH-së. Sistemi bankar është përballur mirë pas goditjeve të njëpasnjëshme. Bankat janë ekspozuar ndaj normave të interesit dhe zhvillimeve që lidhen me kursin e këmbimit. Ju bëjmë thirrje për një vigjilencë të shtuar për të ruajtur stabilitetin financiar. Autoritetet duhet të shtojnë përpjekjet e tyre sa u takon reformave strukturore”, shprehet shefja e Misionit të FMN, Yan Sun./ CNA.al





Lajmet e fundit nga