web counter
LEXO PA REKLAMA!

SHKARKO APP

App Store
Google Play

“Papunësia është ulur”/ Ministrja: Parashikohet rënie e inflacionit

10 Tetor 2022, 10:52, Aktualitet CNA
“Papunësia është ulur”/ Ministrja: Parashikohet
Ministrja e Financave dhe Ekonomisë, Delina Ibrahimaj

Ministrja e Financave dhe Ekonomisë, Delina Ibrahimaj, ka deklaruar sot në media, se pavarësisht goditjes nga lufta në Ukrainë, inflacioni në vendin tonë mbetet me i ulëti në krahasim me vendet e Rajonit.

Sipas ministres, këtë vit parashikohet që të ketë një nivel mesatar inflacioni nën nivelin 6.5%.

Ajo deklaroi më tej se nëse ndodh një skenar i plotë recesioni në vendet partnere të BE-së, ndoshta dhe rritja e vitit të ardhshëm mund të jetë me ulët se 2%.

Ndër të tjera Ibrahimaj u shpreh se kemi ulje të papunësisë, rreth 11.3% në 6 muajt e parë.

“Goditja globale nga kahu i ofertës sigurisht që ka pasur dhe do ketë një ndikim negativ në ekonominë tonë, siç ka pasur në vendet e rajonit e më gjerë. Deri tani ekonomia e ka përballuar mirë. Rritja ekonomike në gjysmën e parë 2022, 4.2%.

Papunësia u ul në 11.3 % në 6 muajt e parë. Punësimi u rrit me 4.3% në gjysmën e parë të vitit. Kemi pasur një rritje me 35% në flukset hyrëse të investimeve të huaja direkte.

Aktualisht leku është nënçmuar me 8% ndaj dollarit dhe mbiçmuar ndaj euros me 4%.

MF ka parashikuar të rrisë projeksionin në 3.7% nga 3.2% që ishte për rritjen ekonomike. Nëse ndodh një skenar i plotë recesioni në vendet partnere të BE-së, ndoshta dhe rritja e vitit të ardhshëm mund të jetë me ulët se 2%. Balanca totale e risqeve anon më tepër në kahun negativ. Gjasat për recesion të ekonomisë sonë vitin e ardhshëm duken të ulëta. Ne do të jemi vigjilentë për çdo skenar dhe kemi plane alternative përshtatjeje.

Inflacioni në Shqipëri krahasuar me vendet e rajonit dhe mesataren e BE-së ka qenë ndjeshëm më i ulët. Në gusht 8% inflacioni”, deklaroi Ibrahimaj./ CNA.al





Lajmet e fundit nga