web counter
LEXO PA REKLAMA!

SHKARKO APP

App Store
Google Play

“Babalja”: Basha do të tretet bashkë me partinë

8 Qershor 2023, 12:55, Politikë CNA

“Babalja”: Basha do të tretet bashkë me partinë

Ervin Salianji, i njohur ndryshe si “Babalja”,  ka dalë hapur kundër ish-kryetarit të tij për të cilin priste me shkop në dorë demokratët në selinë blu.

Salianji u pyet për rikthimin e Bashës dhe u shpreh se, i vjen keq pasi do të tretet bashkë me partinë.

Ai tha se në PD-në e vulës pjesë e së cilës ka qenë dhe vetë, nuk kanë mbetur më njerëz, por vetëm pretendentë për kryetarë.  

“Ish-kryetari nuk është dorëhequr, u detyrua të tërhiqej për shkak të presionit. Vazhdon ta mbajë zvarrë partinë. Do tretet bashkë me partinë, logon, më vjen keq për këtë. Më vjen keq që shumë njerëz kanë momentin për të kuptuar që bëhet për interesa private dhe personale. I dhemb çdo demokrati që është sekuestruar vula, sigla, para, nuk ka më anëtarë, ka më shumë pretendentë për kryetar partie. Kërkon të rikthehet ish-kryetari aty s’ka njerëz, por ka para saqë ato ju interesojnë aq shumë saqë nuk i ndanë as për zgjedhjet. Moment që çdo demokrat duhet të reagojë me forcë. Opozita duhej nisur, rezultati e tregoi, nisur edhe nga rasti, të ribëhet, të rikonceptohet si një opozitë e re. PD duhet të rikonceptohet. PD janë njerëzit, nuk është vula, sigla, apo një njeri që e mban, se e mban Edi Rama. Në këto kushte s'kam shkuar në mbledhje për të kërkuar rrugët e komunikimit që opozita të ribëhet. Të heqim idenë e funksioneve që kërkon gjithsecili dhe të bëhemi gjithë bashkë për të qenë konkurrues në zgjedhjet e ardhshme”, është shprehur Salianji./ CNA





Lajmet e fundit nga