web counter
LEXO PA REKLAMA!

SHKARKO APP

App Store
Google Play

E fundit!

x

Veliaj i prezanton Piramidën Presidentit të Estonisë/ “Do bashkëpunojmë për digjitalizimin”

8 Qershor 2023, 15:26, Politikë CNA
Veliaj i prezanton Piramidën Presidentit të Estonisë/ “Do
Kryetari i Bashkisë së Tiranës, Erion Veliaj dhe Presidenti i Estonisë, Alar Karis

Kryetari i Bashkisë së Tiranës, Erion Veliaj dhe Presidenti i Estonisë, Alar Karis, i cili po kryen një vizitë zyrtare në vendin tonë, vizituan sot Piramidën, e cila po shndërrohet në qendrën më të madhe të teknologjisë në Ballkan.

Kryebashkiaku Veliaj tha se Tirana ka zgjedhur të ndjekë hapat e Estonisë, i cili është vendi numër një sot në Europë për sa i përket digjitalizimit.

“Ajo që duam të bëjmë te Piramida është ajo çka Estonia e ka bërë prej vitesh. Është një vend, i cili ka bërë një inovacion të jashtëzakonshëm në të gjitha qytetet e saj dhe sot është ndoshta numri një në Europë për digjitalizimin dhe për punët krijuese të së ardhmes. Ishte një kënaqësi që ta kishim Presidentin në këtë vizië dhe me shpresë se do bëhemi pak më shumë si Estonia me dijet që do të marrim nga qendra si kjo te Piramida, që do t’i vlejë një brezi çunash dhe gocash, të cilët gjithnjë e më shumë do t'u ngjasojnë çunave dhe gocave të Estonisë,” u shpreh Veliaj.

Presidenti i Estonisë, Alar Karis, deklaroi se mezi pret që bashkëpunimi me Tiranën zyrtare të rritet edhe më tej, sidomos në fushën digjitale.

“Është kënaqësia jonë të jemi këtu, jo vetëm për të treguar ekspertizën tonë, por duke e parë Tiranën dhe Shqipërinë nga lart, ne si kombe kemi shumë për të ndarë me njëri-tjetrin. Mezi pres një bashkëpunim me Tiranën dhe shpresoj që të kthehem kur të ketë përfunduar e gjitha dhe të kemi mundësi të shohim studentët dhe gjithë njerëzit që do angazhohen këtu,” tha ai./ CNA.al





Lajmet e fundit nga