E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Federica Mogherini dekorohet me titullin “Doctor Honoris Causa”/ Rama: Personalitet i spikatur

8 Qershor 2023, 16:04, Politikë CNA

Federica Mogherini dekorohet me titullin “Doctor Honoris Causa”/

Kryeministri Edi Rama ditën e sotme ka qenë pjesë e ceremonisë së nderimit të ish-ministres së Jashtme të Italisë, Federica Mogherini, me titullin “Doctor Honoris Causa”, titull ky i akorduar nga Universiteti i Tiranës.

Kryeministri e ka cilësuar Mogherinin si një mike të madhe të Shqipërisë. Ai deklaroi se dhënia e këtij titulli nga Universiteti i Tiranës është një gjest kuptimplotë.

Ndër të tjera, Rama tha se ish-ministrja italiane është ndër të paktat personalitete përfaqësuese të botës europiane që kanë pasur të bëjnë me rajonin dhe Shqipërinë dhe që e kanë bërë këtë detyrë, më shumë sesa si një detyrë.

Federica Mogherini dekorohet me titullin “Doctor Honoris Causa”/

“Universiteti ka bërë një gjest kuptimplotë edhe të lavdërueshëm duke i dhënë Federikës këtë titull dhe duke e përfshirë në radhën e atyre emrave që rektori citoi dhe të cilët sigurisht janë personalitete shumë të spikatur botërisht.

Nëse do të bëja një veçim të Federikës nga ajo radhë, do ta bëja duke pasur parasysh angazhimin e saj personal dhe të vazhdueshëm në mbështetje të Shqipërisë, në mbështetje të përpjekjeve tona për të ecur më shpejt në rrugën e integrimit europian, në mbështetje të nevojës tonë për të pasur zërat që na ndihmonin dhe na ndihmojnë për argumentet tona, në raport me atë që është një gjykatë e përditshme e punës dhe rezultateve, flas për Brukselin, dhe padiskutim edhe për angazhim e jashtëzakonshëm të saj në funksion të paqes, në funksion të normalizimit dhe të rritjes së bashkëpunimit në rajon.

Federica Mogherini dekorohet me titullin “Doctor Honoris Causa”/

Unë besoj se Federika është një prej atyre shumë personaliteteve dhe figurave përfaqësuese të botës europiane që kanë pasur të bëjnë në këtë rajon, kanë pasur të bëjnë me vendin tonë, por është një ndër të paktat që e ka bërë këtë detyrë, në raport me ne dhe me rajonin më shumë sesa si një detyrë.

E ka bërë si shprehje e një pasioni politik dhe e një pasioni qytetar, si një europiane e bindur, e paepur, e palëkundur deri në fund për dobinë e Bashkimit Europian dhe për domosdoshmërinë e një Bashkimi Europian të plotë me të gjithë popujt e Europës si pjesë e tij”, theksoi Rama./ CNA.al