LEXO PA REKLAMA!

SHKARKO APP

Deputetja e PD-së së vulës, zbulon detaje nga përplasjet/ “Militantët nuk erdhën rastësisht”

8 Qershor 2023, 22:57, Politikë CNA
Deputetja e PD-së së vulës, zbulon detaje nga përplasjet/
Deputetja e PD-së së vulës, Flutura Açka

Deputetja e PD-së së vulës, Flutura Açka tregoi mbrëmjen e sotme detaje nga përplasja e ndodhur në mbledhjes së kryesisë së PD 2 ditë më parë, ku u caktua data për zgjedhjet e kreut të ri.

Teksa iu ndal te sulmet e militantëve të Bashës, Açka tha se ata njerëz nuk ndodheshin aty rastësisht.

Ajo pretendon se përplasja nuk ka qenë sherrnajë, por një agravim i asaj që ka ndodhur me ditë të tëra.

“Kush i solli këto personazhe që ne nuk i njohim, këta personazhe nuk erdhën aty rastësisht, ka një arsye. Mbase është një agravim që ka ardhur me ditë. Media duhet të ishte treguar pak më e kujdesshme me raportimet. Është e tepruar se janë po ata njerëz të cilët mbrojtën PD, me të culët është blinduar PD.

Nuk mund t’i gjykoj ata njerëz, por dua të di pse ndodhi e gjitha, kam pyetur disa herë gjatë mbledhjes: Çfarë duan këta njerëz?. Një moment gjatë mbledhjes dola dhe pashë gazetarë, jo njerëz të irrituar. Pashë ato që keni parë edhe ju në media, por mendoj se është agravimi i asaj që ka ndodhur me ditë të tëra dhe si rrjedhojë e lodhjes së demokratëve. Nuk ka qenë sherrnajë”, theksoi Açka./ CNA.al

Lajmet e fundit nga