web counter
LEXO PA REKLAMA!

SHKARKO APP

App Store
Google Play

Balla s’përmban fjalorin ndaj Berishës/ “Do t’i hash atë që s’thuhet Partisë Socialiste”

8 Qershor 2023, 16:56, Politikë CNA

Balla s’përmban fjalorin ndaj Berishës/ “Do t’i hash

Kryetari i Grupit Parlamentar të Partisë Socialiste, Taulant Balla, gjatë replikave me ish-kryeminstrin Sali Berisha në Kuvend për Vangjush Dakon, ka degjeneruar në gjuhë banale.

Duke përdorur të njejtat fjalë që dikur i ka thënë në Kuvend edhe kryeministri Edi Rama, Balla tha se Berisha nuk mund t’i bëjë dot asgjë Partisë Socialiste.

Nga foltorja, ai ngriti akuzat se Berisha ka kryer korrupsion dhe i kërkoi drejtësisë të kryejë hetime.

“Ti Sali do vazhdosh (sa të jesh gjallë) t’i hashë atë që s’thuhet Partisë Socialiste. Ironia më e madhe e kësaj foltoreje është që të vijë Sali Berisha dhe të thotë se drejtësia vonon por nuk harron, që Sali Berisha të marrë nëpër gojë edhe Vangjush Dakon i cili ka shpërdoruar detyrën për një leje pallati kur ky ka vrarë duke shpërdoruar detyrën. Unë nuk e di se çfarë bën Prokuroria e Tiranës duke qenë se atje mbahet peng dosja e Aleks Nikës dhe në dosje thuhet se është një vrasje pa autor, kur vetë Sali Berisha ka thënë në këtë foltore por edhe nëpër studio televizive që e ka vrarë ai, ka thënë vetë që ka qenë ai që ka dhënë urdhër që të qëllohet.

Ky është një i vdekur që vijon të ecë në këmbë, flet ky në emër të drejtësisë amerikane, që e ka shpallur me vulë e firmë që është non grata për ta, për çfarë? Për korrupsion të nivelit të lartë e minim të demokracisë. Nuk e di çfarë pret drejtësia jonë. Britania e akuzon me emra, Damir Fazlliç, flet ky për sekretaren, po për privatizimin e OSSH, sot nuk ka njeri as në qeverinë tonë që thotë sa është shitur, se nën dirigjimin e Sali Berishës shteti ka humbur 400 e ca milionë euro. Dosja është në prokurori, cilën nuk e di se ka humbur durimi. Dhe “Gërdeci” mbani mend si raportonte ministri te i biri i Sali Berishës, Aldo Bumçi. Dhe për 21 janarin, ka shpërdoruar detyrën me pasojë vrasjen… dhe tani vjen e flet për Dakon që ka shpërdoruar detyrën për 1 leje ndërtimi, para 12 vjetësh”, theksoi Balla./ CNA.al





Lajmet e fundit nga