web counter
LEXO PA REKLAMA!

SHKARKO APP

App Store
Google Play

E fundit!

x

I quajti bashkëpunëtorë të Ramës/ Alibeaj i përgjigjet Berishës

9 Qershor 2023, 14:51, Politikë CNA

I quajti bashkëpunëtorë të Ramës/ Alibeaj i

Ish-kryetari i komanduar i PD-së së vulës, Enkelejd Alibeaj, ka komentuar mbi deklaratat e ish-kryeministrit Sali Berisha se do të takojë çdo deputet dhe anëtar të PD-së, përveç Alibeajt dhe Lulzim Bashës.

Alibeaj shkruan se Berisha është i dëshpëruar, por i palodhur nga përpjekja për të përçarë PD-në, i rrënuar moralisht, por i paepur në përpjekjen për të mbajtur peng një pjesë të demokratëve.

Sipas tij largimi i ish-kryeminstrit nga politika është mundësia e vetme që demokratët do të fitojnë mundësinë për të qenë alternativë e re për shqiptarët.

“Humbësi i zgjedhjeve të 14 majit ka vijuar dhe sot serinë e përsëritjes së justifikimeve bajate që nuk ja hanë më as kandidatët dhe as besnikët e tij. I zhytur në mjerimin e mungesës së shpresës dhe alternativës, Sali Berisha vijon serinë e shpalljes së armiqve me shpifjet e zakonshme dhe banalitetin konstant, për të gjjthë ata që mendojnë ndryshe nga ai.  I dëshpëruar por i palodhur nga përpjekja për të përçarë PD, i rrënuar moralisht por i paepur në përpjekjen për të mbajtur peng një pjesë të demokratëve, me ligësinë e dikujt që koha dhe veprat ia kanë shkruar fundin e palavdishëm, ndaj Sali Berishës ka vetëm një zgjidhje: të largohet i braktisur dhe të heshtë duke marrë me vete edhe atë fije dinjiteti, nëse i ka mbetur. Kështu demokratët do të fitojnë mundësinë për të qenë alternativë e re për shqiptarët. Duke lënë pas të shkuarën dhe pa ngarkesat e korrupsionit familjar dhe të shpurës së tij, pesha e të cilave i shërbejnë veçse Ramës e të ngjashmëve të tij për ta mbajtur gjallë në politikë dhe që i kanë lënë demokratët në opozitë”, shkruan Alibeaj./ CNA





Lajmet e fundit nga