web counter
LEXO PA REKLAMA!

SHKARKO APP

App Store
Google Play

E fundit!

x

Berisha, për CNA: Ja kur do të nisë “stina” e protestave të fuqishme

9 Qershor 2023, 12:42, Politikë CNA
Berisha, për CNA: Ja kur do të nisë “stina” e
Ish-kryeministri Sali Berisha

Ish-kryeministri Sali Berisha u është përgjigjur pyetjeve të shtruara nga gazetarja e CNA-së në lidhje me rezultatet e analizës së zgjedhjeve të 14 majit si dhe kur do të nisin protestat e fuqishme të paralajmëruara më parë.

Berisha u shpreh se nuk do të pajtohet kurrë me farsën elektorale dhe se analiza e partisë do të bëhet me shumë seriozitet.

“Analiza në PD nuk ka filluar sepse siç po konstatoni, ne jemi çdo ditë në analizë të procesit elektoral. Jo çdo gjë është në duart tona. Nuk është në duart tona, materialet që na duhen, janë në duart e institucioneve të shkatërrimit të zgjedhjeve, janë në duar të afateve të gjykatave. Janë një seri procesesh që kërkojnë durim dhe kohë. Por ne do t'i shkojmë gjer në fund. Ne sot ju informuam se kemi paraqitur me video se si në Elbasan, në të paktën 70 për qind të qendrave, operatori ka shkatërruar votimin. Me video. Ky është rezultati kur e bën komisionin 7 me 0, kur voton fëmija 10 vjeç. Me të mbaruar kjo analizë që e kemi detyrim absolut, përndryshe ne bëhemi bashkëfajtorë në farsën elektorale, ne legjitimojmë farsën elektorale. Ne nuk e bëjmë kurrë, nuk pajtohemi”, deklaroi Berisha për CNA.

Ndër të tjera, nënvizoi së me të përfunduar analiza e procesit elektoral, do të ndërmarrin protesta të fuqishme për rikthimin e votës së lirë.

“Në mbyllje të kësaj, do të jetë analiza. Me kaq seriozitet do bëjmë edhe analizën në PD dhe do ndërmarrim protestat e fuqishme për rikthimin e votës së lirë”, tha Berisha./ CNA





Lajmet e fundit nga