web counter
LEXO PA REKLAMA!

SHKARKO APP

App Store
Google Play

E fundit!

x

Më 14 qershor, mbledhja e dy qeverive Kosovë-Shqipëri (DETAJE NGA TAKIMI)

12 Qershor 2023, 10:51, Politikë CNA

Më 14 qershor, mbledhja e dy qeverive Kosovë-Shqipëri (DETAJE NGA

Në 14 qershor në Gjakovë pritet të zhvillohet mbledhja e përbashkët mes dy qeverive, të Shqipërisë dhe Kosovës.

Takimi vjen në një kohë kur situata në veri të Kosovës është e tensionuar dhe qëndrimet midis Albin Kurtit dhe Edi Ramës nuk janë në të njëjtën linjë.

Në agjendën e siguruar nga CNA, saktësohet se delegacioni shqiptar do të mbërrijë në Gjakovë në orën 11:00 te Biblioteka e qytetit dhe më pas do të nisin ceremonitë zyrtare mes dy qeverive. 

Konferencë e përbashkët mes dy liderëve pritet të zhvillohet në orën 13:15.

Mësohet se kryeministri Edi Rama dhe ai i Kosovës Albin Kurti në fund do të zhvillojnë një takim edhe me kryetarët e 4 komunave në veri të Kosovës. 

Kryeministri Edi Rama u shpreh pak ditë më parë se i ka dorëzuar presidentit të Francës, Emmanuel Macron dhe kancelarit gjerman Olaf Scholz një draft për Asociacionin e Komunave me shumicë serbe në Kosovës. 

Rama i bëri thirrje kryeministrit të Kosovë që të mbajnë marrëdhënie të mira me ndërkombëtarët dhe të tërheqë menjëherë policinë e Kosovës nga veriu i vendit. Sakaq, Rama nënvizoi se duhen me patjetër zgjedhje të reja në veri. 

Nuk mungoi edhe një reagim nga qeveria e Kosovës, ku u theksua se në këto momente kanë nevojë për mbështetje nga Shqipëria dhe jo për negociatorë, pasi të tillë janë shumë.

Agjenda:

11:00 Mbërritja e delegacionit të Qeverisë së Republikës së Shqipërisë/ Vendi: Biblioteka e qytetit, delegacionet e dy qeverive rreshtohen sipas ceremonialit përkatës nga Protokolli i Shtetit
11:15 Mbërritja e Sh.T. Edi Rama, Kryeministër i Republikës së Shqipërisë, vendi: Oborri i bibliotekës së qytetit, në mbërritje, Sh.T. Albin Kurti, Kryeministër i Republikës së Kosovës mirëpret Sh.T. Edi Rama, Kryeministrin e Republikës së Shqipërisë
Vijohet me himnet shtetërore nga banda frymore ushtarake e Kosovës dhe Shqipërisë
11:30 Hapja e sesionit plenar të mbledhjes së dy qeverive Kosovë – Shqipëri, vendi: biblioteka e qytetit

12:45 Foto e përbashkët, vendi: para ndërtesës së bibliotekës
Ceremonia e nënshkrimit të marrëveshjeve ndërqeveritare, vendi: teatri i qytetit "Hadi Shehu"
13:15 Konferencë e përbashkët për shtyp e Sh.T,  Albin Kurti, Kryeministër i Republikës së Kosovës dhe Sh.T. Edi Rama, Kryeministër i Republikës së Shqipërisë, vendi: teatri i qytetit "Hadi Shehu"
14:00 Homazhe te Lapidari i Dëshmorëve të Gjakovës, vendi: Lapidari i Dëshmorëve të Gjakovës
Drekë zyrtare shtruar nga Sh.T. Albin Kurti, Kryeministër i Republikës së Kosovës, në nder të Sh.T. Edi Rama,
Kryeministër i Republikës së Shqipërisë dhe delegacioneve të
dy qeverive, vendi: Restorant "Hani i Haraçisë"
16:00 Takimi me kryetarët e komunave të zonave kufitare
(Gjakovë, Pejë, Deçan, Prizren, Dragash, Tropojë, Kukës dhe Has)
Vendi: Hoteli "Qarshia e Jupave".

 

 





Lajmet e fundit nga