Mbledhja e dy qeverive në Elbasan/ Gjergj Luca: Me punë bashkohet kombi, jo me demagogji

26 Nëntor 2021, 11:41, Aktualitet CNA

Sipërmarrësi dhe biznesmeni Gjergj Luca ka mirëpritur sot në ?Fish City? dy krerët e qeverisë së Kosovës dhe Shqipërisë, Albin Kurtin dhe Edi Ramën, dhe ministrat e dy qeverive, të cilët kanë zhvilluar mbledhjen në qytetin e Elbasanit.

Në një intervistë për RTSH, Luca është shprehur se ndjehet i respektuar që dy liderët kanë zgjedhur vendin e tij të punës për të nënshkruar marrëveshje të rëndësishme për Kosovën dhe Shqipërinë.

Ndërkaq Luca ka theksuar në mesazhin e tij se kombi bashkohet me punë dhe jo me demagogji.

?Ky nuk është resort, ky është qyteti i punës dhe të vërtetës. Mua më vjen mirë që ju e shihni si resort sepse këtu brenda janë tetë fabrika dhe punojnë rreth 1 mijë vetë.

Gjithë kjo infrastrukturë në radhë të parë është për punëtorët, por unë ndjehem mirë kur ju e quani resort. Faleminderit zotit të shtëpisë që ka zgjedhur këtë vend pune për të bërë mbledhjen e dy qeverive tona.

Faleminderit mikut që na ka bujt në shtëpi dhe na ka respektuar dhe ndjehem jashtëzakonisht mirë që ka qenë zgjedhja e tyre, e dy liderëve tanë që pikërisht të zgjedhin këtë vend të punës dhe të vërtetës. Pa punë ne nuk kemi mundësi ta shohim të vërtetën në sy dhe kur e pranojmë të vërtetën ne kemi respekt për punën që krijojmë.

Mendoj që kjo do të jetë pjesa më e mirë e të dy qeverive dhe të gjithë kombit tonë që ne të kemi mundësi që të ecim me ritmin që ne na takon. Unë e shoh si detaj që këta kanë zgjedhur këtë vend, sepse mendoj që politika duhet të ndjekë ritmin tonë dhe gjithë biznesi shqiptar duhet të ndjehet kështu siç ndjehem unë sot për këtë zgjedhje që kanë bërë dy liderët e kombit tonë.

Unë nuk dua të vazhdoj me kritika sepse sot është dita për të qenë të emocionuar dhe për tu ndjerë mirë për këtë nder që na kanë bërë. Por unë mendoj se plaga më e madhe në Shqipëri dhe në Kosovë është pikërisht plaga e punës. Por kjo plagë e papunësisë unë mendoj që nuk kurohet me demagogji, por krijohet dhe shërohet duke patur mundësi të shohim të vërtetën në sy, të shohim të vërtetën që krijon puna, vetëm ajo e shëron plagën e papunësisë.

Unë mendoj që e gjithë skema, nuk e di për Kosovën por në Shqipëri, asistenca sociale është një skemë gabim, sepse të gjithë ato miliona që paguan shteti për asistencë sociale unë gjykoj dhe e kam thënë përherë se 90 % e këtij kontributi që jep shteti nga taksat tona, nga taksat e atyre grave që kanë kurajo dhe punojnë, që bëjnë jetë sociale, që duan të ecin përpara, që duan të kuptojnë të vërtetën, duan ta shohin në sy dhe duan të punojnë, nuk kanë pse të paguajnë për dembelat, nuk kanë pse të paguajnë për të pandershmit.

Korifeu i letrave shqipe, Fishta ka thënë një fjalë që është vërtetë. “Fukaraja është i pandershëm” dhe duhet të bëhet i ndershëm vetëm nëpërmjet punës sepse nëpërmjet punës mund të shohësh dhe të kesh kuroajo për të parë të vërtetën në sy. Sot e kam ditë të shenjtë dhe ndjehem shumë i respektuar nga i zoti i shtëpisë sonë dhe nga miku që na ka ardhur zoti Albin? ka thënë Luca.

Dhe në fund biznesmeni Luca e mbyll me një mesazh për të gjithë shqiptarët.

?Të jeni më shumë kurajoz kur bëhet fjalë për punën dhe të vërtetën se ky është ilaçi më i madh për kombin tonë?, shprehet biznesmeni. / CNA.al