web counter
LEXO PA REKLAMA!

SHKARKO APP

App Store
Google Play

E fundit!

x

Luan Baçi zbardh skemën/ “Farsa” e Bashës me zgjedhjet e 29 korrikut

12 Qershor 2023, 18:20, Politikë CNA
Luan Baçi zbardh skemën/ “Farsa” e Bashës me
Deputeti Luan Baçi

Deputeti Luan Baçi ka analizuar përplasjet brenda Partisë Demokratike dhe mbledhjen e 7 qershorit, ku u miratua 29 korriku si data e zgjedhjeve për kreun e ri.

Baçi i ka cilësuar këto zgjedhje si farsë. Ai tha në një intervistë me Arbër Hitajn se e gjithë kjo situatë është krijuar artificialisht nga kryetari i dorëhequr i PD-së, Lulzim Basha.

Sipas tij, qëllimi i Bashës është që të mbajë peng të djathtën për ta përçarë deri në fund.

“Nuk ka përplasje tek PD, nuk është PD këto dy grupime që mblidhen aty, disa deputetë të vetëquajtur anëtarë kryesie. Unë i njoh anëtarët e kryesisë së PD. T’u thuash anëtarë kryesie disa personave që i merr nga një listë dhe i fut tek kjo listë me rëndësi, është thjesht një farsë.  PD është në këtë situatë të krijuar artificialisht nga Lulzim Basha për ta mbajtur PD-në të përçarë deri në fund. Po të donin bashkim, do bënin gjëra praktike të vinin tek zyrat e PD-së për t’u mbledhur jo tek zyrat e Kuvendit.

Të mblidhemi të gjithë bashkë, të debatojmë, të grindemi, të zihemi, por ta zgjidhim problemi. As nuk përshëndesin anëtarët e tjerë të grupit parlamentar. Kanë një agjendë, Lulzim Basha e ka vërtetuar këtë gjë. Se tha që po tërhiqet tani thotë se bëra një hap pas, por do bëjë dy hapa para. Me një telefonatë largon Alibeajn nga pozita e kryetarit të komanduar dhe bën takime formale me të rinj”, theksoi deputeti./ CNA.al





Lajmet e fundit nga