web counter
LEXO PA REKLAMA!

SHKARKO APP

App Store
Google Play

E fundit!

x

“PD e vulës, 'kafshë e zbutur' nga qeveria”/ Lubonja zbulon planet e treshes Basha, Alibeaj dhe Rama

13 Qershor 2023, 08:57, Politikë CNA
“PD e vulës, 'kafshë e zbutur' nga qeveria”/
Analisti Fatos Lubonja

Analisti Fatos Lubonja ka folur rreth situatës brenda Partisë Demokratike të vulës duke e quajtur një "kafshë të zbutur" nga qeveria Rama.

Ai është shprehur se Lulzim Basha ka ambicien për të rimarrë sërish në dorë fatin e PD-së së vulës dhe për këtë ka mbështetjen e kryeministrit Edi Rama.

Sipas tij, këto plane janë thurur me kohë nga treshja Basha, Alibeaj dhe Rama, duke përjashtuar Gazment Bardhin.

 “Në dhjetor 2021 ka pasur, siç e dimë, 2 mbledhje të Këshillit Kombëtar të PD-së. Ka qenë gjithmonë problemi se nuk u ballafaquan me shumicën për të ndarë kush është shumica. Një pjesë e tyre nuk kanë qenë me këtë linjë që ndoqën këta dhe u bënë dy pjesët e famshme.

U duk qartazi që shumica ishte ajo e Rithemelimit, së cilës ky grup i ka ikur. Ky është mëkati origjinal. Mëkat ishte dhe përjashtimi i Berishës nga Basha pa zhvilluar një mbledhje. Kur merren ende të tilla vendime, krahu i Bashës kërkon të vendosë kështu. Ky krah ka edhe mbështetjen e kryeministrit. Bardhi është në minorancë.

Gjëja e parë që të shkon në mendje është se ka një ambicie se kush do ta marrë Kryesinë e PD-së, Basha apo dikush tjetër. Basha është shkaktari i kësaj situate dhe është një plan i hartuar më herët në bashkëpunim me Alibeajn në terma afatgjatë. Kam pasur përshtypjen se edhe Bardhi ishte pjesë e këtij plani, por tani më del se jo. Ka qenë dhe një histori e pakëndshme mes tyre, lidhur me dërgimin e një kandidati në Vaun e Dejës, kur ishte vendosur për mosdërgimin e tij. Kjo u mbajt sekret brenda partisë. Ky grup është i pabesueshëm.

Kjo palë si opozitë është vendosur në shërbim nga Edi Rama, është zbutur dhe nuk mund të garojë. I ka futur Rama për të ngrënë minjtë e shtëpisë. Kjo i jep padiskutim mandatin e radhës Ramës.

Në Fier nënkryetari i Këshillit Bashkiak i përket partisë Alibeaj-Basha dhe jo asaj të Berishës dhe Metës. Kjo tregon se këta do kenë një dorë nga qeveria. Ashtu si Rama do të kontrollojë çdo pushtet, ashtu do edhe opozitën. Zgjidhja do ishte një Kuvend i madh, por jo vetëm me zgjedhje sepse do fitonte Berisha prapë, por me një marrëveshje ku mund të mbeten me fraksionet e tyre, por duke dalë dikush që mund ta zgjedhin. Me sa shoh asnjë palë nuk do që të bëjë diçka të tillë”, u shpreh ai./ CNA





Lajmet e fundit nga