E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Oerd Bylykbashi i monitoron zgjedhjet nga Kina

13 Qershor 2023, 10:41, Politikë CNA

Gjatë bisedës me moderatorin Ylli Rakipi dhe një panel gazetarësh, nënkryetari i Foltores, Oerd Bylykbashi ,sqaroi disa nga manipulimet e bëra gjatë zgjedhjeve të datës 14 maj.

Ai argumentoi dhe analizoi edhe rastin e votimit në Rrogozhinë, ku kandidati Shkëlqim Hoxha humbi ndaj kandidatit të PS-së me një rezultat të ngushtë në atë që u quajt si "Kutia e Burgut".

Bylykbashi foli për pavlefshmëri të votimit në burgun e Rrogozhinës!

Ka vetëm një problem! Në KAS kjo temë nuk u kërkua dhe as u trajtua nga përfaqësuesit e subjektit nën siglën e të cilit garonte Shkëlqim Hoxha.

Në KAS nuk u kërkua asnjëherë pavlefshmeria e kutise së burgut.

Oerd Bylykbashi:

Nëse KAS-i do të kishte zbatuar ligjin dhe do të shpallej e pavlefshme kutia e burgut ne Rrogozhinë, sot do ishim në ripërsëritje zgjedhjesh në Rrogozhinë.

Seancat e mbledhjeve të KAS-it kanë qenë publike dhe nga ato seanca kuptohet që përfaqësuesi i PD-së nuk kërkoi asnjëherë që KAS-i të shpallte pavlefshmërinë e votimit në burgun e Rrogozhinës.

Pavlefshmeria e kutisë së burgut nuk u pretendua asnjëherë në KAS në rastin e Rrogozhinës.

Për Rrogozhinën përfaqësuesit e Bylykbashit donin që thjesht të hiqej nga rezultati përfundimtar, rezultati i votave te kutia e burgut. Për Rrogozhinën u kërkua fitorja në tavolinë, jo pavlefshmëri sipas Kodit Zgjedhor. Përfaqësuesit e Bylykbashit në KAS nuk kërkuan pavlefshmërinë e kutisë së votimit në burgun e Rrogozhinës. Ajo kuti kishte vendosur rezultatin dhe sipas Kodit Zgjedhor pavlefshmeria e asaj kutie çonte në pavlefshmëri të zgjedhjeve për gjithë zonën zgjedhore.

Në KAS kjo që thotë Bylykbashi nuk u kërkua asnjëherë dhe Bylykbashi nuk përfaqësoi ndonjë subjekt apo kandidat në KAS gjatë gjithë procesit të ankimimeve.

Por procesi ankimor vazhdon në Kolegjin Zgjedhor.

Ideja e Bylykbashit është e vlefshme ende. Mjafton që Kolegji të marrë provat e manipulimeve në kutinë e burgut të Rrogozhinës.

Për votimin në Elbasan, Bylykbashi deklaroi se listat në Elbasan ishin masakruar dhe 200.000 votues ishin spostuar.

Ku janë 200.000 vetat që Bylykbashi deklaron se ishin spostuar në Elbasan?

Oerd Bylykbashi deklaron se në Elbasan janë zhvendosur 200.000 votues nga qendra e tyre e votimit.

Në KAS, kërkesa e PD-së për Elbasanin kishte ZERO pretendime për zhvendosje të votuesve.

Kujt i shërben kur pretendimet fryhen në studiot televizive dhe bëhen zero në procedurë ligjore?

Ku ishte Bylykbashi kur shkruheshin ankimimet për KAS-in që të listonte provat për këta 200.000 votues të zhvendosur?

Bylykbashi ka kohë që këto 200.000 çështje t'i dërgojë në kolegjin Zgjedhor. Procesi nuk ka përfunduar ende as për Elbasanin.

Bylykbashi pretendon se me ligj në 2025 është detyrim që duhet te votojnë emigrantët.

Bylykbashi i kërkon llogari qeverisë dhe pyet çfarë ka bërë qeveria.

Por nuk ka asnjë afat të tillë në asnjë rresht të Kodit Zgjedhor. Nuk ka asnjë dispozitë që detyron qeverinë për ato që deklaron Bylykbashi.

Sipas Kodit zgjedhor Komisioni Rregullator i KQZ-së duhet të miratojë aktet për votimin e emigrantëve. Dhe të urdhërojë edhe Qeverinë të bëjë pjesën e saj.

PD dhe PS nuk kanë miratuar asgjë në KQZ dhe as kanë në agjendë apo në shqyrtim ndonjë draft që të ketë temë votimin e emigrantëve.

Pasi dëgjoi këto dhe të tjera histori të treguara nga Bylykbashi, moderatori Rakipi tregoi historinë e Tartarinit të Tarskonit, i cili kur e pyesnin ku kishte qenë kaq kohë, përgjigjej:

"Kam qenë në Kinë".

E kur ata i sqaronin që gruaja e tij u kishte thënë që ai s'kishte qenë kurrë në Kinë, Tartarini vazhdonte: kam qenë në Kinë.

Mbase Bylykbashi gjatë zgjedhjeve dhe më pas kur ankimohej Rrogozhina dhe Elbasani ka qenë në Kinë.

Bile me insistimin dhe afatet që shpik për votën e emigrantëve, me shumë gjasa, vazhdon të rrijë në Kinë.

Njëjtë siç i tha Rakipi:

Ju keni marrë vendim vëlla. Ju keni marrë vendim që ishit në Kinë./ CNA