web counter
LEXO PA REKLAMA!

SHKARKO APP

E fundit!

x

4 familjarë të Felajt, të emëruar në Prokurorinë e Tiranës/ Xhaferri: Standard i paprecedentë

28 Qershor 2023, 15:50, Politikë CNA
4 familjarë të Felajt, të emëruar në Prokurorinë e
Kreu i FRPD-së, Besart Xhaferri

Një tjetër reagim ka ardhur pas lajmit se në Prokurorinë e Tiranës pritet të emërohet anëtarja e katërt e familjes së deputetes së Partisë Socialiste, Ermonela Felaj.

Është kreu i FRPD-së, Besart Xhaferri, ai i cili ka reaguar ashpër dhe i cilëson emërimet e familjarëve të Felajt në prokurorinë e Tiranës si standard të paprecedentë në organin e akuzës.

Xhaferri deklaron me anë të një statusi në rrjetet sociale se ata që zbatuan Reformën në Drejtësi duhet të turpërohen përpara shqiptarëve, për kostot që po paguajnë.

Kjo pasi ai pretendon se Godina e Prokurorisë së Tiranës po i kalon në pronësi familjes Felaj!

Reagimi i plotë:

Godina e Prokurorisë së Tiranës t'i kalojë në pronësi familjes Felaj!

Eranda Felaj me bekimin e KLP do të jetë anëtarja e katërt e familjes së deputetes së Partisë Socialiste që emërohet në Prokurorinë e Tiranës.

Përgjatë katër viteve të fundit, në Prokurorinë e Tiranës janë emëruar tre familjarë të deputetes Felaj, mes të cilëve burri i saj,  Bledar Valikajn, vëllai i saj, Armando Felaj si oficer të policisë gjyqësore në Prokurorinë e Tiranës si dhe bashkëshortja e këtij të fundit, Alma Felaj, e transferuar nga Prokuroria e Durrësit në atë të Tiranës.

Së fundi në Prokurori u emërua edhe Eranda Felaj, motra e Ermonelës, duke vendosur një standard të paprecedentë në organin e akuzës.

Sot ata që zbatuan Reformën në Drejtësi do duhet të turpërohen përpara shqiptarëve, që po paguajnë rëndë kostot e një pseudo-reforme, modelin e së cilës e refuzuan edhe vendet e Afrikës Veriore.

Kjo drejtësi është ndër të tjera edhe një ndër hallkat në zinxhirin e problemeve që ka shndërruar Shqipërinë në vendin me të korruptuar dhe më të varfër të Evropës./ CNA.al

4 familjarë të Felajt, të emëruar në Prokurorinë e





Lajmet e fundit nga