web counter
LEXO PA REKLAMA!

SHKARKO APP

App Store
Google Play

E fundit!

x

“Dinastia Felaj”/ Berisha, “shuplakë” të fortë Prokurorisë

28 Qershor 2023, 13:53, Politikë CNA

“Dinastia Felaj”/ Berisha, “shuplakë” të

Ish-kryeministri Sali Berisha ka reaguar pas lajmit se një tjetër familjar i deputetes së PS-së, Ermonela Felaj, pritet të emërohet në Prokurorinë e Tiranës.

Në reagimin e tij Berisha e ka cilësuar Prokurorinë e Tiranës si “prokurorinë familjare” të Ermonela Felajt, pasi motra e saj renditet e para në listë për pozicionet vakante në Prokurorinë e Tiranës.

Berisha thekson se ky është një rast unik në botë ku një institucion udhëhiqet nga 4 anëtarë të një familje.

“Prokuroria familjare. Një monstër e re e pseudoreformës së drejtësisë.

Miq, pas përdorimit të vetingut për gjueti shtrigash të bazuar në kritere me origjinë shoqërore, prejardhje krahinore, madje edhe besimin fetar dhe krijimit të drejtësisë së organizatave të Partisë Socialiste, pas shumëfishimit të korrupsionit dhe gjobës që paguajnë në procesin gjyqësor, pas privimit de fakto të qytetarëve shqiptarë nga procesi i drejtë ligjor, drejtësia e re e bazuar në reformën e Soros-Rama solli dhe një monstër të re, kurrë të parë apo të dëgjuar ndonjëherë më parë.

Kjo është prokuroria familjare.

Kështu prokuroria e kryeqytetit të Shqipërisë është tani prokuroria e familjes Felaj, e njohur prej vitesh për lidhjet e provuara të saj me malavitën. Kështu, kjo prokurori, në një rast unik në botë si në asnjë vend të lirë, por edhe në asnjë diktaturë tjetër, udhëhiqet tani nga katër anëtarë me lidhje të para të ndrikull Felaj. Një rekord i zi!”, shkruan Berisha.

Mediat një ditë më parë publikuan lajmin se Këshilli i Lartë i Prokurorisë, KLP ka miratuar me 10 votat e anëtarëve të pranishëm projekt-aktet për renditjen e kandidatëve për tri pozicione vakante në Prokurorinë e Tiranës, ku në të tria rastet e para në listë u rendit prokurorja e Vlorës, Eranda Felaj.

Ajo është motra dhe familjarja e katërt e deputetes së Patisë Socialiste, Ermonela Felaj, e cila pritet të emërohet në Prokurorinë e Tiranës.

Përgjatë katër viteve të fundit, në Prokurorinë e Tiranës janë emëruar tashmë tre familjarë të deputetes Felaj. Në mars të vitit 2019, KLP vendosi të emërojë si prokuror në Tiranë përmes një procedure të diskutueshme bashkëshortin e deputetes, Bledar Valikajn, pa kaluar më parë procesin e vetingut. Vetëm pak muaj më vonë, në maj 2019, Prokuroria e Përgjithshme përzgjodhi pas një procedure konkurruese vëllanë e deputetes, Armando Felaj si oficer të policisë gjyqësore në Prokurorinë e Tiranës. Në mbledhjen plenare të datës 29 maj, u miratua projekt-akti për transaferimin e bashkëshortes së këtij të fundit, Alma Felaj, nga Prokuroria e Durrësit në atë të Tiranës.

Miratimi i renditjes së Felajt e para në listën e kandidatëve për të tria pozicionet vakante në Prokurorinë e Tiranës, u krye pas diskutimeve mes anëtarëve të KLP-së. Anëtari Sokol Stojani vërejti se në Prokurorinë e Tiranës tashmë janë emëruar vëllai, kunati dhe kunata e prokurores Eranda Felaj./ CNA





Lajmet e fundit nga