Festa e Kurban Bajramit/ Politika uron besimtarët myslimanë

27 Qershor 2023, 22:26, Politikë CNA

Disa eksponentë të politikës knë uruar këtë mbrëmje besimtarët myslimanë për festën e Kurban Bajramit.

Njëri prej tyre është Presidenti i Republikës, Bajram Begaj. Ai u bën thirrje shqiptarëve që të ofrojnë më shumë solidaritet, dashuri dhe mirësi ndaj njëri-tjetrit.

“Uroj të gjithë besimtarët myslimanë në Shqipëri dhe kudo ku janë gëzuar festën e Kurban Bajramit! Sakrifica në emër të besimit në Zot është mesazhi që përcjell kjo festë. Le të jetë kjo ditë një mundësi ku të gjithë të sakrifikojmë sadopak nga vetja jonë.

T'i ofrojmë solidaritet, dashuri dhe mirësi njëri-tjetrit, familjeve tona dhe Shqipërisë. Uroj çdo të mirë dhe vetëm mbarësi gjithmonë!”, shkruan Kreu i Shtetit.

Festa e Kurban Bajramit/ Politika uron besimtarët myslimanë

Një tjetër urim ka ardhur nga kreu i PL-së, Ilir Meta, i cili kërkon sakrificë e përkujdesje për ata që luftojnë me vështirësi dhe sëmundje.

“Gëzuar Kurban Bajramin!

Ju uroj nga zemra të keni bekimet e Zotit, për më shumë mirësi, begati dhe dashuri në familjet tuaja dhe mes njëri-tjetrit! Vetëm duke sakrifikuar për të mirën e përbashkët dhe duke u përkujdesur për të gjithë ata që luftojnë me vështirësi dhe me sëmundje ne vemë në jetë mësimet e shenjta dhe porositë e Profetit.

"Tek Zoti nuk arrin as mishi, as gjaku i tyre (kurbanëve) por devotshmëria dhe përkushtimi Juaj". Kuran Zoti ua pranoftë adhurimin dhe lutjet!”, deklaron Meta.

Festa e Kurban Bajramit/ Politika uron besimtarët myslimanë

Edhe ish-kryeministri Sali Berisha përcjell një mesazh për besimtarët myslimanë krahas një fotoje me bashkëshorten e tij, Liri Berisha.

“Sonte Nata e Kurban Bajramit.

Miq, sonte për besimtarët mysliman është Nata e Kurban Bajramit. Le të ju urojmë të gjithë besimtarët mysliman në këtë natë të shenjtë dhe t’i lutemi të Madhit Zot të pranojë sakrificën e tyre. #sb”, shprehet Berisha.

Festa e Kurban Bajramit/ Politika uron besimtarët myslimanë

Gjithashtu, edhe Lulzim Basha dërgon urim për besimtarët myslimanë.

“Kurbani është përkujtim dhe dëshmi se sakrifica dhe durimi janë mënyra më e mrekullueshme e afrimit me Zotin, e pastrimit shpirtëror, e arritjes së paqes së brendshme dhe e fitimit të mirësive dhe mëshires së Zotit.

Përkujtimi i sakrificës sublime të profetit Ibrahim është një mesazh i përjetshem se pas vështirësisë vjen lehtësimi.

Nga zemra ju uroj të gjithë besimtarëve myslimanë dhe shqiptarëve kudo ku janë, Gëzuar Kurban Bajramin!”, thekson Basha./ CNA.al

Festa e Kurban Bajramit/ Politika uron besimtarët myslimanë