web counter
LEXO PA REKLAMA!

SHKARKO APP

App Store
Google Play

Parashikimi i Topit/ “Fitorja e Bashës në zgjedhje e sigurt, Berisha 0 shanse për të ardhur në pushtet”

27 Qershor 2023, 21:16, Politikë CNA
Parashikimi i Topit/ “Fitorja e Bashës në zgjedhje e sigurt,
Ish-presidenti Bamir Topi

Ish-presidenti Bamir Topi ka folur sërish për situatën në Partinë Demokratike dhe garimin e Lulzim Bashës për kryetar.

Topi tha në një dalje televizive se rikthimi i Bashës në krye të Partisë Demokratike të vulës është i sigurtë.

Ndërsa për ish-kryeministrin Sali Berisha deklaroi se ka zero shanse për të ardhur në pushtet.

“Basha është një personazh aq i ekspozuar sa nuk ka nevojë për etiketim. Rikthimi i tij është i sigurtë në krye të Partisë Demokratike zyrtare. Kur është folur për programe këtu? Në 3 palë zgjedhje, një herë fitohet me timon, një herë me dajre e më pas me tepsi. Për të drejtuar vendin nuk ka nevojë për program, kur gara është e hapur për t’u fituar nga Basha.

Kur flasim për program flasim për një parti serioze, por kjo nuk është. Po të kthehem në vitin 2005, Berisha në mjedise të caktuara artikulonte dhe mundësinë se jo domosdoshmërisht ai do ishte kryeministër, por do ishte dhe filani e filani. Në funksion të audiencës, kur ka njerëz të mërzitur me lidershipin e tij, ai tenton të japë një opsion që unë jam këtu, por jo domosdoshmërisht unë.

Vetë Berisha e di që është me shansin zero për të ardhur në pushtet. Edhe sikur të mos ishte non-grata ka elementë të tjerë që lidhen me dështimet në qeverisje. Ai iku në vitin 2013 me kontestim të jashtëzakonshëm publik. Ka edhe shumë momente që e shoqërojnë. Është mosha biologjike po ashtu”, theksoi ish-presidenti./ CNA.al





Lajmet e fundit nga