web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërime boshe për protesta/ Meta “heq topin nga vetja”

22 Qershor 2023, 16:43, Ekonomi CNA
Paralajmërime boshe për protesta/ Meta “heq topin nga
Kreu i PL-së, Ilir Meta

Opozita regjistroi një humbje të thellë në zgjedhjet vendore të 14 majit dhe për këtë kreu i PL-së, Ilir Meta ka akuzuar qeverinë se i ka vjedhur votat.

Opozita ka paralajmëruar se do të zhvillojë edhe protesta, por deri më tani nuk ka treguar asnjë datë për mbajtjen e protestave.

Meta u pyet sot nga gazetarët gjatë një konference për shtyp se kur do të nisin protestat, por ai hoqi përgjegjësinë nga vetja.

Kreu i PL-së deklaroi se opozita është gati, por edhe “qytetarët duhet të bëjnë të tyren”.

“Opozita do të bëjë gjithçka që duhet, por dhe shoqëria duhet të bëjë gjithçka në mënyrë që të gjithë të jetojnë me dinjitet. Opozita ka bërë protesta. Pa asnjë diskutim që do të bëjë protesta dhe është shumë e rëndësishme që të kuptojmë që shoqëria duhet të reagojë dhe të gjithë duhet të bëjnë zgjedhjen e tyre që të jetojnë si qytetar i lirë, të paintimidueshëm, as nga shefat e administratës ku punojnë. Ky është një proces i përbashkët dhe besoj do të kemi kohë të gjithë për të reflektuar për këtë proces”, theksoi Meta./ CNA.al





Lajmet e fundit nga