web counter
LEXO PA REKLAMA!

SHKARKO APP

App Store
Google Play

Rritja e Eurobondit me 100 milionë euro/ Ibrahimaj rezervohet për detajet

7 Qershor 2023, 13:32, Ekonomi CNA

Rritja e Eurobondit me 100 milionë euro/ Ibrahimaj rezervohet për

Ministrja e Financave, Delina Ibrahimaj, ka folur për Eurobondin prej 600 milionë eurosh, pas mbledhjes së qeverisë.

E pyetur nga gazetarët për rritjen e këtij borxhi me 100 milionë euro më shumë se në të shkuarën, ministrja tha se ky është një porces në vazhdim dhe procedurat nuk janë mbyllur ende.

Sipas saj, ka një vlerë më të lartë se ajo e parashikuar me ligj.

Ibrahimaj u shpreh se qeveria ka gjykuar se duke parë gjendjen e likuiditetit të tregjeve të kapitalit në përputhje me nevojën për likuiditet që ka vendi kanë lejuar këtë rritje që është bërë edhe në të shkuarën.

Më tej tha se detajet do të jepen në një konferencë pasi të ketë përfunduar transaksioni.

“Është një proces në vazhdim. Procedura nuk është mbyllur ende. Në momentin që do të finalizohet do të dalim me detajet.

Është e vërtetë që ka pasur një vlerë më të lartë se ajo e parashikuar me ligj, ne kemi gjykuar se duke pasur parasysh gjendjen e likuiditetit të tregjeve të kapitalit në përputhje me nevojën për likuiditet që ka vendi e kanë lejuar këtë rritje që është bërë edhe në të kaluarën.

Në momentin që transaksioni do të ketë përfunduar do të dalim në një deklaratë për shtyp”, tha Ibrahimaj./ CNA.al





Lajmet e fundit nga