LEXO PA REKLAMA!

SHKARKO APP

Si do të ndikojë rritja e pagave në inflacion?/ Flet Sejko, thirrje bizneseve dhe administratës

31 Maj 2023, 17:53, Ekonomi CNA
Si do të ndikojë rritja e pagave në inflacion?/ Flet Sejko,
Guvernatori i Bankës së Shqipërisë, Gent Sejko në Komisionin e Ekonomisë

Guvernatori i Bankës së Shqipërisë, Gent Sejko foli në Komisionin e Ekonomisë për rritjen e pagave të administratës.

Sejko e sheh si pozitive rritjen e pagave, pasi deklaroi se do të rritet edhe konsumi, gjë që do të ndikojë edhe në inflacion.

“Rritja e pagave sjell rritje konsumi dhe rritja e konsumit sjell inflacion. Se sa do të ndikojë rritja e pagave në inflacion, kjo është tjetër gjë, por natyrisht që do të ketë rritje në inflacion”, u shpreh ai.

Ndërkohë, Guvernatori kërkoi që bizneset dhe administrata të rrisin produktivitetin në vazhdim, në mënyrë që të ulet inflacioni.

“Për të qenë më konkurrues ne kemi një sfidë të madhe që është emigracioni dhe një nga elementët është rritja e pagave. Sigurisht që rritja e pagave duhet të jetë paralel me produktivitetin. Nëse do të kishte rritje pagash pa rritje të produktivitetit, atëherë ndikimi në inflacion do jetë më i lartë. Nëse rritja e pagave do të shoqërohet me rritje produktiviteti, me investime në teknologji dhe burime njerëzore inflacioni do të jetë më i ulët”, theksoi Sejko./ CNA.al

Lajmet e fundit nga